ޕްރޮސެކިއުޓާ ޖެނެރަލް ހުސައިން ޝަމީމަށް އެމްއެމްޕީއާރުސީ ހިޔާނާތުގެ ފައިސާ ލިބުނު ކަމަށް ކުރެވޭ ތުހުމަތު ދޮގު ކޮށްފިއެވެ.
އެސެޓް ރިކަވަރީ ކޮމިޝަނުން ތައްޔާރުކޮށް، ރައްޔިތުންގެ މަޖިލީހަށް ފޮނުވާފައިވާ ކަމަށް ބުނާ ލިސްޓް ސޯސަލް މީޑިއާގައި އަންނަނީ ދައުރުވަމުންނެވެ.
އެގޮތުން ހިޔާނާތުގެ ފައިސާ ޝަމީމަށް ލިބިފައިވާ ކަމަށް ބުނެ އޮންލައިން ނޫހެއް ކަމަަށްވާ ދިޔަރެސް” އިން ވަނީ ރިޕޯޓު ކޮށްފައެވެ.
އެކަމާ ގުޅިގެން ޝަމީމް ކުރެއްވި ޓްވީޓެއްގައި ވިދާޅުވީ ކުރީގެ ނައިބު ރައީސް އަހުމަދު އަދީބާ ގާތް ގުޅުމެއް އޮންނަ މުހައްމަދު އައްލާމް ލަތީފް (މޮހޯ) ގެ ފަރާތުން ވެސް އަދި އެމްއެމްޕީއާރްސީގައި މަސައްކަތް ކުރި އެއްވެސް މީހެއްގެ ފަރާތުން އޭނާ އަށް ފައިސާތަކެއް ލިބިފައި ނުވާ ކަމަށެވެ.
ލިސްޓުގައިވާ ގޮތުން ޝަމީމަށް ވަނީ ތިން މިލިއަން ރުފިޔާ ލިބިވަޑައިގެންފައެވެ. އެ ފައިސާއަކީ އަދީބު ހައްޔަރުކުރުމާ ގުޅިގެން ވަކީލު ފީގެ ގޮތުގައި ހަމަޖައްސައިދީފައިވާ ފައިސާ ކަމަށް އެމްއެމްޕީއާރުސީގެ މައްސަލައިގައި ހިމެނޭ މޮހޯ ބުނެފައިވާ ކަމަށް ލިސްޓުގައި ފާހަގަކޮށްފައިވެއެވެ.
advertisment