“ފުރާނަތައް ގެއްލި ނިމިގެންދަނީ އަޅަންޖެހޭ ފިޔަވަޅުތައް ނާޅާ ތިއްބައި”

ކޮވިޑް ޖެހިގެން ފުރާނަތައް ގެއްލި ނިމިގެންދަނީ އަޅަންޖެހޭ ފިޔަވަޅުތައް ނާޅާ ތިއްބައި ކަމަށް ވިދާޅުވެ ކުރީގެ ބަންޑާރަ ނައިބު ދިޔާނާ ސައީދު ސަރުކާރަށް ފާޑު ވިދާޅުވެއްޖެއެވެ.

ދިޔާނާ ކުރެއްވި ޓްވީޓެއްގައި ވިދާޅުވީ ފުރާނަތައް ގެއްލި ނިމިގެންދަނީ އަޅަންޖެހޭ ފިޔަވަޅުތައް ނާޅާއި ތިއްބައި ކަމަށާއި ދެން މި ވާހަކަ ރީތިކޮށް ނުދެއްކޭނެ ކަމަށެވެ.

“މިއީ ނިދާފައި އޮތް ދައުލަތެއް” ދިޔާނާ ވިދަޅުވިއެވެ.

ރާއްޖޭގެ ކޮވިޑް މަރުގެ އަދަދު 123 އަށް އަރާފައެވެ. މި އަހަރުގެ މިހާތަނަށް 72 މީހަކު ވަނީ މަރުވެފައެވެ. މިދިޔަ އަހަރު ހަތް މަސް ދުވަހުގެ ތެރޭގައި މަރުވީ 51 މީހެކެވެ. މި މަހު އެކަނިވެސް 50 މީހަކު މި ބަލީގައި މަރުވެއްޖެ އެވެ.