ރައީސްގެ ގަރާރު ތަންފީޒު ކުރެވޭނީ މަޖިލީހުން ފާސްކޮށްގެން: ދިޔާނާ

އިންޑިއާ ސިފައިން ދިވެހިރާއްޖޭގައި ތިބުމާއި ދެކޮޅަށް ހިންގާ ހަރަކާތްތަކާއި ހުއްޓުވަން އަންގައި ރައީސުލް ޖުމުހޫރިއްޔާ އިބްރާހިމް މުހައްމަދު ސޯލިހު ނެރުއްވި ގަރާރު ރައްޔިތުންގެ މަޖިލީހުން ފާސް ކުރަންޖެހޭކަމަށް، ކުރީގެ ބަންޑާރަ ނައިބް ދިޔާނާ ސައީދު ވިދާޅުވެއްޖެއެވެ.

ރައީސް ސާލިހު ނެރުއްވި ގަރާރުގެ ސަބަބުން އެއްވެ އުޅުމާއި ހިޔާލު ފާޅުކުރުމުގެ މިނިވަންކަން ހަނި ވެގެންދާކަމަށް ބުނެ ގާނޫނީ ދާއިރާގެ ބޭފުޅުން ފާޑުކިއުންތައް އަމާޒުވެފައި ވަނިކޮށް، ދިޔާނާ ވިދާޅުވީ ގަރަރު ނުރުއްވީ ގާނޫނު އަސާސީން ލިބިގެންވާ ބާރުގެ ދަށުން ނަމަވެސް ގަރާރާއި ހަވާލާދޭ ގާނޫނީ މަސްދަރުތަކެއް އޮނަން ޖެހޭ ކަމަށެވެ.

ރައީސުލްޖުމްހޫރިއްޔާގެ ގަރާރު ހުއްދަ ކުރާކަމަށް ދިޔާނާ ފާހަގަ ކުރީ ތިން މަސްދަރެކެެވެ. އެއީ ގާނޫނު އަސާސީގެ 115 ވަނަ މާއްދާގެ (އ) އަދި ގާނޫނު އަސާސީގެ 115 (ވ) އާއި 254 ވަނަ މާއްދާ އާއި އެކު 115 ވަނަ މާއްދާގެ (ގ) އާއި ގާނޫނީ ފަންނުގެ ގާނޫނު އެކުގައިއެވެ. މިހެން ކަމުން ގަރާރު ނެރެވޭނެ ހާލަތްތަކަކީ ހަނގުރާމަ އާއި ސުލްހަ އިއުލާން ކުރައްވަން، ނުވަތަ ކުއްލި ނުރައްކަލުގެ ހާލަތު އިއުލާން ކުރައްވަން، އަދި  ރިޔާސީ ކޮމިޝަން އުފެއްދުން ފަދަ ހާލަތުގައިކަމަށް ދިޔާނާ ވިދާޅުވި އެވެ.

ރައީސުލް ޖުމުހޫރިއްޔާ ނެރުއްވާ ގަރާރުތަކަކީ ގާނޫނާއި އެއްފަދަ އެއްޗެއް ކަމަށާއި، ގާނޫނު ހެދުމުގެ ބާރު ލިބިގެން ވަނީ ރައްޔިތުންގެ މަޖިލީހަށް ވުމުން އެ މުއައްސަސާގެ ދައުރެއް ނުވާ ގޮތަކަށް ރައީސުލްޖުމުހޫރިއްޔާއަށް ގަރާރުތަކެއް ނުނެރެވޭނެކަން ސާފުކަމަށްވެސް ދިޔާނާ ވިދާޅުވެފައިވެއެވެ.

RJ ge qaraarakee qaanoonuge baaru (force of law) onna eccheh; ehen kamun e authorize kuraa qaanoonee masdhareh onnan jehey. Raajjeyge qaanoonee nizaamuga RJ ge qaraaru huddhakuranee 3 masdharakun; eyee (1) QA ge 115(alifu); (2) 115(vaavu), 254 aa eku kiyumun; adhi (3) 115(gaafu)

— Dhiyana ????????? (@dhiyanasaid) April 21, 2022

މީގެ އިތުރުން ރިޔާސަތުން ގަރާރުތައް ނެރެވޭނެކަމަށް އެނާ ފާހަގަކުރެއްވި ހާލަތްތަކުގެ ފުރަތަމަ ދެ ހާލަތުގައިވެސް މަޖިލީހުން އެގާރާރުތައް ފާސްކުރަން ގާނޫނު އަސާސީގައި އޮންނާނެ ކަމަށާއި ތިން ވަނަ ހާލަތުގައި ވާ ކޮމިޝަން އުފެދިގެން އައުމުގައި މަޖިލީހުގެ ދައުރެއް ވާތީ އެ މުއައްސަސާއިން ނެރޭ ގަރާރުތަކުގައި މަޖްލީސް ޝާމިލްވާކަމަށްވެސް މި ޓްވީތް ތަކުގައި ދިޔާނާ ވަނީ ވިދާޅުވެފައިއެވެ.