ރައީސް ސޯލިހު ތަފާތު ވަނީ ޕީޕީއެމް މެޖޯރިޓީ އޮތް ކައުންސިލަކާ ގުޅިގެން މަސައްކަތް ކުރާތީ: ރޮޒައިނާ

ރައީސް އިބްރާހިމް މުހައްމަދު ސޯލިހު ތަފާތު ވަނީ ޕީޕީއެމް މެޖޯރިޓީ އޮތް މާލޭ ސިޓީ ކައުންސިލަ ގުޅިގެން މަސައްކަތް ކުރާތީ ކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.

ރޮޒެއިނާ ކުރެއްވި ޓްވީޓެއްގައި ވިދާޅުވީ ފެނިގެން މިދިޔައީ ޕާޓީ ސިސްޓަމް ރާއްޖެ އަށް އައިފަހުން ރާއްޖޭގައި ނުފެންނަ ގާނޫނީ ރޫހު އާލާވާ ފަދަ މަންޒަރެއް ކަމަށެވެ.

“ޕީޕީއެމް މެޖޯރިޓީ އޮތް ކައުންސިލަކާއި އެކު ސަރުކާރުން މާލެ ތަރައްގީ އަށް މަސައްކަތް ކުރާތަން. މިއީ ރައީސް ސޯލިހު ތަފާތުވާ ސަބަބަކީ. ގައުމު އިސްކުރާތީ” ރޮޒެއިނާ ވިދާޅުވިއެވެ.

ރޮޒައިނާ މިހެން ވިދާޅުވެފައި ވާއިރު، ރައްޔިތުންނަށް ފައިދާއާއި ލާބަ ހުރި ކަންކަމުގައި މާލޭ ސިޓީ ކައުންސިލާ ގުޅިގެން މަސައްކަތް ކުރާނެ ކަމަށް ސަރުކާރުން ވަނީ ބުނެފައެވެ.