ކޯލިޝަންގެ ނުފޫޒު އޮތުން ކަމަށް ގަބޫލުފުޅު ނުކުރައްވާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
މިއަދު ހަވީރު ރައީސް އޮފީހުގައި ބޭއްވި ނޫސްވެރިންގެ ބައްދަލުމެއްގައި ވާހަކަ ދައްކަވަމުން ރައީސް ސޯލިހު ވިދާޅުވީ 2008 ވަނަ އަހަރުން ފެށިގެން ރައްޔިތުން ވެރިކަން ދެނީ ގިނަ ޕާޓީތަކަށް އެކުލެވޭ ކޯލިޝަނަކަށް ކަމަށާއި އެންމެފަހުން ބޭއްވި އިންތިހާބުގައި ވެސް ރައްޔިތުން ނިންމީ އެގޮތަށް ކަމަށެވެ.
ރައީސް ވިދާޅުވީ ކުރިޔަށްދާނީ ކޯލިޝަންގައި ހިމެނޭ ހުރިހާ ޕާޓީއެއްގެ މަޝްވަރާއާއެކު ކަމަށާއި އެއީ ނުފޫޒު ފޯރުވުން ނޫން ކަމަށެވެ. އެގޮތުން އަދާލަތު ޕާޓީ އާއި ރައީސް މައުމޫން އަބްދުލްގައްޔޫމްގެ އެމްއާރުމް އަދި އެމްޑީޕީގެ އިތުރުން ޖުމްހޫރީ ޕާޓީއާއެކު ވެސް މަސައްކަތް ކުރައްވާނެ ކަމަށް ރައީސް ވިދާޅުވިއެވެ.