އދ. އޮމަދޫގައި މަސް ފެންގަނޑަކަށް ވެއްޓި 11 މަހުގެ ކުއްޖަކު މަރުވެއްޖެއެވެ.
މައުލޫމާތު ލިބިފައިވާ ގޮތުގައި އެ ކުއްޖާ ވެއްޓިފައި ވަނީ އެރަށު ގެއެއްގެ ތެރޭގައި ހަދާފައި ހުރި މަސް ފެންގަނޑަކަށެވެ. އާއިލާއަށް އެ ކުއްޖާ ފެނުނީ މަސް ފެންގަނޑު ތެރޭގައި އޮއްވައެވެ.
ކުއްޖާ މަރުވެފައިވަނީ މަސްފެންގަނޑަށް ވެއްޓި ހާލު ސީރިއަސްވެގެން އޮމަދޫ ސިއްހީ މަރުކަޒުގައި ފަރުވާ ދެމުން ދަނިކޮށެވެ.
ކުޑަކުދިން މަސްފެންގަނޑަށް ވެއްޓި މީގެ ކުރިން ވެސް މިފަދަ ހާދިސާތައް ހިނގާފައިވެއެވެ.