މާފުށީ ޖަލުން އިތުރު އޮފިސަރެއް ކޮވިޑް-19 އަށް ޕޮޒިޓިވްވެއްޖެ އެވެ.
މޯލްޑިވްސް ކަރެކްޝަނަލް ސާވިސް އިން ބުނީ ކޮންޓެކްޓް ޓްރޭސިންގެ މަސައްކަތް މިހާރު ކުރިއަށްދާ ކަމަށާއި އެގޮތުން އިތުރު އޮފިސަރަކު ބައްޔަށް ޕޮޒިޓިވް ވެފައިވާ ކަމަށެވެ.
އެހެން ކަމުން ޖަލުގެ ސަލާމަތާއި ރައްކަލަށްޓަކައި އެ ރެއިން ފެށިގެން މާފުށީ ޖަލު ކުއްލި ހާލަތައް ގެނެސްފައިވާ ކަމަށެވެ. އަދި ވަގުތީ ގޮތުން ގައިދީންގެ ހުރިހާ މޫވްމަންޓްތައް މެދުކަނޑާލާފައިވާ ކަމަށެވެ.
އޭގެ ފަހުން ނެގި ސާމްޕަލްތަކުން އިތުރު އޮފިސަރެއް ވަނީ ބައްޔަށް ޕޮޒިޓިވްވެފައެވެ.
މިއީ މާފުށި ޖަލުން ކޮވިޑަށް ޕޮޒިޓިވްވި ދެވަނަ އޮފިސަރެވެ.
advertisment