ކުރީގެ ރައީސް އަބްދުﷲ ޔާމީނާއެކު މަސައްކަތް ނުކުރާ ފަރާތަކާއެކު ޕީޕީއެމުން މަސައްކަތް ނުކުރާނެ ކަމަށް އިދިކޮޅު ކޯލިޝަން ހިންގެވުމާ ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެ އެވެ.
އަދުރޭ މިހެން ވިދާޅުވީ ރައީސް ޔާމީންއާ އެކުސިޔާސީ މަސައްކަތް ނުކުރެއްވި ނަމަވެސް ޕީޕީއެމްގެ މެންބަރުންނާއެކު މަސައްކަތް ކުރެވޭނެ ކަމަށް މޯލްޑިވްސް ނެޝަނަލް ޕާޓީގެ ލީޑަރު މުހައްމަދު ނާޒިމް މިއަދު ވިދާޅުވުމާ ގުޅިގެންނެވެ.
އެކަމާ ގުޅިގެން އަދުރޭ ވިދާޅުވީ ޔާމީނާއި އެކު ސިޔާސީ މަސައްކަތް ނުކުރައްވާ ބޭފުޅަކާއެކީ ނުވަތަ ޕާޓީއަކާ އެކީ ޕީ.ޕީ.އެމް/ޕީ.އެން.ސީއަކުން މަސައްކަތެއް ނުކުރާނެ ކަމަށެވެ.
އެމްއެންޕީ ސިޔާސީ ޕާޓީތަކުގެ ދަފްތަރުގައި މިއަދު ރަޖިސްޓްރީ ކުރުމާއި ގުޅިގެން ބޭއްވި ނޫސްވެރިންގެ ބައްދަލްވުމުގައި ނާޒިމް ވިދާޅުވީ ރައީސް ޔާމީނާއެކު ސިޔާސީ މަސައްކަތް ނުކުރައްވާނެ ކަމަށެވެ. ނަމަވެސް އެއީ އެމަނިކުފާނުގެ އަމިއްލަ ނިންމެވުމެއް ކަމަށް ވިދާޅުވިއެވެ.