މާލޭ ހުކުރު މިސްކިތް ވަގުތީ ގޮތުން ބަންދުކޮށްފިއެވެ.
ރޭ 20:50 ހާއިރު ކަރަންޓު ސޯޓެއް ވުމުގެ ސަބަބުން ފަންކާއެއްގައި ރޯވެ، މާލޭ ހުކުރު މިސްކިތުގައި ވަނީ އަލިފާނުގެ ޙާދިސާއެއް ހިނގާފައެވެ.
އިސްލާމިކް މިނިސްޓްރީން ބުނީ ހުކުރު މިސްކިތުގައި ކަރަންޓު ޝޯޓުވުމުގެ ސަބަބުން ކަރަންޓު ނަރުތައް ހަލާކު ވެފައިވާތީ މިރެއިން ފެށިގެން މައްސަލަ ހައްލު ވަންދެން މިސްކިތް ވަގުތީ ގޮތުން ބަންދުކޮށްފައިވާ ކަމަށެވެ.
އެގޮތުން މިއަދު ހުކުރު ނަމާދު ކުރުން ހުކުރު މިސްކިތުގައި ނޯންނާނެ ކަމަށްވެސް މިނިސްޓްރީން ބުނެއެވެ.