ރާއްޖޭގައި ތިބި އިންޑިއާ ސިފައިން ބޭލުމަށް ގޮވާލާ އިދިކޮޅުން ފަށާފައިވާ “އިންޑިއާ އައުޓް” ކެމްޕޭން އަތޮޅުތަކުގައި ފުޅާކުރުމާ ގުޅޭގޮތުން މަޝްވަރާކޮށްފި އެވެ.
އިދިކޮޅު ޕީޕީއެމްއިން ބުނީ މިވަގުތު މާލޭގައި ތިއްބެވި ކައުންސިލަރުންނާއި، ސްޓިއަރިން ކޮމިޓީތަކުގެ މެމްބަރުންނާއި، ބައެއް ރަށްރަށުގެ އިސް ބޭފުޅުންނާއެކު ކުރީގެ ރައީސް އަދި ޕީޕީއެމްގެ ރައީސް އަބްދުﷲ ޔާމީން ރޭ ބައްދަލުކުރައްވާފައިވާ ކަމަށެވެ.
ޕީޕީއެމުން ބުނީ މި ބައްދަލުވުމުގައި ރަށްރަށުގައި ޕީޕީއެމްގެ ހަރަކާތްތައް އިތުރަށް ވަރުގަދަ ކުރުމާ ގުޅޭގޮތުން ޔާމީން މަޝްވަރާކުރެއްވި ކަމަށެވެ. އެގޮތުން އިންޑިއާ ސިފައިން ބޭލުމަށް ހިންގާ ހަރަކާތްތައް އަތޮޅުތަކުގައި ފުޅާ ކުރުމަކީ އެންމެ އިސްކަން ދެއްވާ ކަންތައް ކަމަށް ޔާމީން ވިދާޅުވި ކަމަށް ޕީޕީއެމުން ބުނެ އެވެ.
advertisment