ރަށްރަށުގެ އިންޖީނުގެތައް އާއްމުން ދިރިއުޅޭ ސަރަހައްދުތަކާ ދުރަށް ގެންދިއުމުގެ މަސައްކަތުގެ 99 އިންސައްތަ ނިމިފައިވާކަމަށް ފެނަކަ ކޯޕަރޭޝަނުން ބުނެފި އެވެ.
ފެނަކައިން މިގޮތަށް ހާމަކޮށްފައި ވަނީ، މ. ރަތްމަންދޫ އިންޖީނުގޭގެ މަަސަކައްތް ފެށުމަށް ބިންގާ އަޅާފައިވާކަން އިއުލާނު ކުރަމުންނެވެ. އެ ރަށުގެ ވެސް އިންޖީނުގެ އަޅާނީ އާއްމުން ދިރިއުޅޭ ސަރަހައްދާއި ވަކީންކަން ފެނަކައިން ވަނީ މައުލޫމާތު ދީފަ އެވެ.
އާއްމުން ދިރިއުޅޭ ސަރަހައްދުތަކުގައި އިންޖީނުގެތައް ހުރުމުގެ ސަބަބުން ދިމާވާ ދަތިތައް ހައްލު ކުރުމަށް، ފެނަކައިން ދަނީ މަސައްކަތް ކުރަމުންނެވެ. ބައެއް ރަށްތަކުގައި އާއްމުން ދިރިއުޅޭ ގެތަކާއި އިންޖީނުގެތައް ހުރުމުގެ ސަބަބުން މައްސަލައްތައް ދިމާވާތީ، ޒަމާނާއި އެއްގޮތަށް ފަހުން އެޅި އިންޖީނުގެތައް ތަަރައްގީ ކުރީ ރަށުގެ ދުރު ހިސާބުތަކުގަ އެވެ.
މީހުން ދިރިއުޅޭ ސަރަހައްދުތަކުގައި ހުރި އިންޖީނުގެތައް އެކަހެރި ސަރަހައްދުތަކަށް ބަދަލު ކުރުމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިޙް ވެ ވަޑައިގެންނެވި ވައުދު ރަތްމަންދޫ އިންޖީނުގޭގެ ބިންގަލާއި އެކު 99% ހާސިލް ކުރެވިފައިވާކަން އުފަލާއިއެކު ފާހަގަކުރަން.
— Fenaka Corporation Ltd (@TeamFenaka) December 30, 2021
ފެނަކަ އަކީ ރާއްޖޭގެ 150 ރަށެއްގައި ފެނާއި ކަރަންޓުގެ ހިދުމަތް ފޯރުކޮށްދެމުން އަންނަ ކުންފުންޏެކެވެ. އެގޮތުން ފެނަކައިން މިހާރު ވަނީ އިންޖީނުގެތައް އާއްމުން ދިރިއުޅޭ ސަރަހައްދާއި ދުރުގައި ގާއިމު ކުރުމަށް ވެފައިވާ ވައުދުގެ ފުއްދުމުގައި އިސްރޯލެއް އަދާކޮށް 99 އިންސައްތަ މަސައްކަތް ނިންމާފަ އެވެ.