އއ. ރަސްދޫ އަށް ޒިޔާރާތް ކުރާ ފަތުރުވެރިން އާންމު ތަންތަނުގައި ނިވާކަން ކުޑަ ހެދުމުގައި ނޫޅެން އެ ރަށު ކައުންސިލުން އަންގައިފި އެވެ.
ރަސްދޫ ކައުންސިލުން އާއްމުކުރި އެންގުމެއްގައި ބުނީ އެރަށަށް ޒިޔާރަތް ކުރާ ބައެއް ފަތުރުވެރިން ނިވާކަން ކުޑަ ހެދުން ލައިގެން އާންމު ތަންތަނުގައި އުޅެމުންދާ ކަމުގެ ޝަކުވާ ލިބެމުންދާ ކަމަށެވެ.
ކައުންސިލުން ބުނީ އެކަމަކީ ހާއްސަ ގަވާއިދުތަކެއް ހެދިފައިވާ ކަމެއް ކަމަށާއި އެއަށް އަމަލުކުރުމަށް ލާޒިމް ކުރެވިފައިވާތީ އެ ގަވާއިދުތަކާއި އެއްގޮތަށް އަމަލުކުރުމަށް ރަށަށް ފަތުރުވެރިން ގެންނަ ފަރާތްތަކަށް ވަނީ އަންގާ ކަމަށެވެ.
ރަސްދޫގެ އިތުރުން އއ.ތޮއްޑޫގައި ވެސް ވަނީ އެރަށަށް ޒިޔާރަތްކުރާ ފަތުރުވެރިން ހެދުން އަޅަންވީ ގޮތް ހަނދާންކޮށްދީފަ އެވެ.
advertisment