ރައީސް ސޯލިހު ކޮވިޑަށް ޕޮޒިޓިވްވެއްޖެ

ރައީސް އިބްރާހިމް މުހައްމަދު ސޯލިހު ކޮވިޑު-19 ޕޮޒިޓިވްވެއްޖެ އެވެ.

ކޮމަންޑޫ ދާއިރާގެ ބައި އިލެކްޝަންގެ ކެމްޕެއިނަށް ރައީސް ސޯލިހާއި، އެމްޑީޕީގެ ރައީސް، ރައީސް މުހައްމަދު ނަޝީދު މިއަދު ފުރާވަޑައިގަންނަވާގޮތަށް ހަމަޖެހިފައިވީ ނަމަވެސް ފުރުމުގެ ކުރިން ހަދާ ޕީސީއާރުގެ ނަތީޖާ ދެއްކި ގޮތުގައި ރައީސް ވަނީ ކޮވިޑަށް ޕޮޒިޓިވްވެފަ އެވެ.

ޓްވީޓެއް ކުރައްވައި ރައީސް ވިދާޅުވީ އެމަނިކުފާނުގެ ހާލުކޮޅު ރަނގަޅުކަމަށާއި، މިވަގުތު ހުންނެވީ ގޭގައި އެކަހެރިވެގެން ކަމަށެވެ.

އަޅުގަނޑު ކޮވިޑް 19 އަށް ޕޮޒިޓިވްވެއްޖެ، އެކަން އެނގުނީ އަތޮޅުތެރެއަށް ދަތުރުކުރުމަށް ރޭގަ ޕީސީއާރް ހެދުމުން. މާތް ﷲގެ ރަޙްމަތްފުޅުން ޙާލު ރަނގަޅު. މިވަގުތު މިހިރީ ގޭގައި އެކަހެރިވެގެން.

— Ibrahim Mohamed Solih (@ibusolih) January 22, 2022