ރާއްޖޭގައި ޗުއްޓީ ހޭދަ ކުރުމަށް ފަހު ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި ފުރަން ގޮސް ހުރި ފަތުރުވެރިޔަކު މަރުވެއްޖެ އެވެ.
ވީއައިއޭ ހިންގާ އެމްއޭސީއެލް އިން ބުނީ މިއަދު ހެނދުނު މި ހާދިސާ ހިނގީ ވީއައިއޭގެ ސްމޯކިން އޭރިއާގައި ފަތުރުވެރިޔާ ހުއްޓާ ކަމަށެވެ.
އެ މީހާ މަރުވީ ހާޓްއެޓޭކެއް ޖެހުމުން އެއާޕޯޓްގެ އެމަޖެންސީ ރޫމްގައި ފަރުވާ ދެމުން ދަނިކޮށެވެ.
މަރުވި މީހާގެ ހަށިގަނޑު މިހާރު ހޮސްޕިޓަލަށް ގެންގޮސްފައިވާ ކަމަށް އެމްއޭސީއެލުން ބުނެއެވެ.