އިސްލާމްދީނާއި މިނިވަންކަމަށް ބުރޫ އަރާނެ އެއްވެސްކަމަކަށް ފުރުސަތު ނުދޭނެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
މިއަހަރުގެ ރިޔާސީ ބަޔާން އިއްވަވަމުން ރައީސް ވިދާޅުވީ މާތްވެގެންވާ އިސްލާމްދީނާއި ރާއްޖޭގެ މިނިވަންކަމާއި ސިޔާދަތާ އިސްތިގްލާލަށް ބުރުލެއް އައުމަށް ސަރުކާރުން އެއްވެސް ފުރުސަތެއް ނުދޭނެކަމަށެވެ. އަދި މިދިޔަ އަހަރު ރާއްޖޭގެ 180 ރަށެއްގައި އިސްލާމްދީނުގެ ސައްހަ މައުލޫމާތު ދިނުމާއި އިސްލާމްދީނުގެ ރިވެތި އުސޫލުތަކަށް ހޭލުންތެރިކުރުވުމުގެ މަސައްކަތް ކުރިއަށްގެންދެވުނުކަމަށް ރައީސް ވިދާޅުވިއެވެ.
ރައީސް ވަނީ އިމާމުންނާއި މުދިމުންނަށް އިސްލާމީ ތައުލީމުގެ ރޮނގުން ޑިގްރީ ހޯދާދިނުމަށް 290 މީހުން ތައުލިމީ މަރުހަލާ ފުރިހަމަކުރަމުންދާކަމަށް ވިދާޅުވެފައެވެ. ގުރްއާން މުދައްރިސުން ބިނާކުރުމަށް 1599 މީހުން ވަނީ ތަމްރީންކޮށް ނިމިފައިކަމަށް ރައީސް ވިދާޅުވިއެވެ.
advertisment