“އިންޑިއާ އައުޓް” ހަރަކާތަށް އިދިކޮޅު ޕީޕީއެމްގެ ރައީސް ޔާމީން މިއަދު ގއ. ވިލިގިއްޔަށް ވަޑައިގަތުމަށް ހަމަޖެހިއްޖެއެވެ.
މިހަރަކާތަށް މުޅި ވިލިނގިލިވަނީ ރައީސް ޔާމީނަށް މަރުހަބާ ކިޔުމަށް ވަރަށް ބޮޑަށް ތައްޔާރުވެފައެވެ. ވިލިނގިއްޔަކީ ރައީސް ޔާމީނަށް ތާއީދު ބޮޑު ރަށެކެވެ. މިހަރަކާތުގައި ރައީސް ޔާމީން ބައިވެރިންނާއި މުޚާތަބުކުރައްވާނެއެވެ.
ރައީސް ޔާމީން ވިލިގިއްޔަށް ވަޑައިގަތުމަށް ހަމަޖެހިފައިވާތީ، މިހަރަކާތް އިންތިޒާމު ކުރުމުގައި އިސްކޮށް ހަރަކާތްތެރިވާ ޕީޕީއެމްގެ ޓީމެއްވެސް މިހާރުވަނީ ވިލިއްޔަށް ގޮސްފައެވެ.
ރައީސް ޔާމީން އިސްވެ ފަށްޓަވާފައިވާ އިންޑިއާ އައުޓް ހަރަކާތް ފުޅާކުރުމަށް އެމަނިކުފާނު ގެންދަވަނީ އަތޮޅުތަކަށްވެސް ދަތުރުކުރައްވަމުންނެވެ. އެންމެފަހުން ރައީސް ޔާމީން ވަޑައިގެންފައިވަނީ ރ. މީދޫއަށެވެ.
advertisment