މިމަހު މިހާތަނަށް 78،500 ފަތުރުވެރިން ރާއްޖެއަށް ޒިޔާރާތްކޮށްފިއެވެ.
ޓޫރިޒަމް މިނިސްޓްރީގެ އެންމެ ފަހުގެ ތަފާސްހިސާބުން ދައްކާގޮތުން މިމަހުގެ 16 ވަނަ ދުވަހުގެ ނިޔަލަށް ރާއްޖެ އައިސްފައިވަނީ 78،500 ފަތުރުވެރިންނެވެ.
މިއާއެކު މިއަހަރު މިހާތަނަށް ރާއްޖެއަށް ޒިޔާރާތްކުރި ފަތުރުވެރިންގެ އަދަދު ވަނީ 359،272 އަށް އަރާފައެވެ. މިއަހަރު ފެބްރުއަރީ މަހު 149،008 ފަތުރުވެރިން އަދި ޖެނުއަރީ މަހު 131،764 ފަތުރުވެރިން ރާއްޖެ ޒިޔާރާތް ކޮށްފައިވެއެވެ.
މިހާތަނަށް އެންމެ ގިނަ ފަތުރުވެރިން ރާއްޖެއަށް ޒިޔާރާތްކޮށްފައިވަނީ ރަޝީޔާއިންނެވެ. އެގައުމުން 49،364 ފަތުރުވެރިން ރާއްޖެއަށް ޒިޔާރާތްކޮށްފައިވާއިރު އިނގިރޭސިވިލާތުން 40،672 ފަތުރުވެރިން އަދި އިންޑިއާއިން 36،349 ފަތުރުވެރިން ޒިޔާރާތްކޮށްފައިވެއެވެ.
advertisment