ރައީސް އިބްރާހިމް މުހައްމަދު ސޯލިހުގެ ސަރުކާރު ވައްޓާލަން ކެނޑިނޭޅި އެމްޑީޕީގެ ތެރެއިން، “ތިލަފަތުގެ ރަމްޒުގެ” ނަމުގައި ބަޔަކު ނިކުމެ މަސައްކަތް ކުރަމުންދާކަމަށް ބުނެ އައްޑޫ މަރަދު ދާއިރާގެ މެމްބަރު އަހުމަދު ޝަރީފް ދެއްކެވި ވާހަކައަށް ފާޑުކިއުންތައް އަމާޒުވެއްޖެ އެވެ.
ރައީސުލްޖުމްހޫރިއްޔާ ސަރުކާރުގެ ބައެއް އިސްވެރިންނާއި، ރައްޔިތުންގެ މަޖިލީހުގެ މެމްބަރުންނާއި އެކު އައްޑޫއަށް ދަތުރުފުޅުގެ ތެރެއިން، އެ ސިޓީގެ ރަށްތަކަށް ވަޑައިގެން މަޝްރޫއުތައް ކުރިޔަށް ދާ ގޮތް ބައްލަވާލެއްވުމާއި ނިމިފައި ހުރި މަޝްރޫއުތައް އިފްތިތާހުކޮށް ދެއްވި އެވެ. އެގޮތުން އިއްޔެ އައްޑޫ މަރަދޫ ބަންދަރު ހުޅުވުމަށް ބޭއްވި ރަސްމުއްޔާތުގައި ދާއިރާގެ މެމްބަރު ޝަރީފް ވަނީ އެމްޑީޕީގެ އެތެރޭގެ އިންތިހާބާއި ގުޅުވައި ވާހަކަ ދައްކަވާފަ އެވެ. ސަރުކާރުގެ ރަސްމީ އިވެންޓެއްގައި އެތެރޭގެ ކޯޅުމެއްގެ ވާހަކަ ދެއްކެވުމުގެ ސަބަބުން، ޝަރީފަށް ބޮޑެތި ފާޑުކިއުންތައް ދަނީ އަމާޒުވަމުންނެވެ.
އެމްޑީޕީގެ އެތެރޭގެ އިންތިހާބުގައި ޗެއާޕާސަންކަމަށް ވާދަ ކުރައްވާ އިކޮނޮމިކް މިނިސްޓަރު ފައްޔާޒް އިސްމާއީލަށް ތާއީދު ކުރާ، ޝަރީފް ވަނީ ދެން އެ މަގާމަށް ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީގެ ކެމްޕެއިން ސްލޯގަންގެ ނަން ބޭނުންކޮށް އެއީ އެމްޑީޕީ ހަލާކުކޮށްލަން މަސައްކަތް ކުރާ ޓީމެއްގެ ގޮތުގައި ސިފަ ކުރައްވާފަ އެވެ. ރަސްމިއްޔާތުގައި ޝަރީފް ވިދާޅުވީ “ތިލަފަތުގެ ރަމްޒު” ގެ ނަމުގައި ނިކުމެ ބަޔުަކު ކުރާހާ ވެސް މަސައްކަތަކީ ރައްޔިތުން ބަނޑަށް ޖައްސައި ސަރުކާރު ވައްޓާލަން މަސައްކަތް ކުރުން ކަމަށެވެ.
ޕާޓިގެ ޗެއާޕާސަނަކަށް އިންތި ގެނައުމަށް ކުރާ ކެމްޕެއިނުގައި ބޭނުންކުރާ ޝިޔާރަކީ “ތިލަފަތުގެ ރަމްޒު” އެވެ.
ޝަރީފް ވިދާޅުވީ ރައްޔިތުންނަށް ކޮންމެ ހާލެއް ޖެހުނަސް ވަރިހަމަކަމަށް އެމްޑީޕީގެ ތެރެއިން ބަޔަކު ކުރާ މަސަކަތާއި، ރައީސް ސޯލިހު ވެރިކަން ބަދަލު ކުރުމަށް ކުރާ މަސައްކަތަށް އެއްވެސް ޖާގައެއް ނުދެއްވާނެ ކަމަށެވެ.
“އެމްޑީޕީ ތެރޭގައި ބަޔަކު އެބަތިބި ތިލަފަތުގެ ރަމްޒުގެ މީހުންނޭ ކިޔައިގެން މި ސަރުކާރު ވައްޓާލަން ބޭނުންވާ… އެކަހަލަ މީހުންނަށް ވަރިހަމަ އެހެން ކުރާ ކަމަކުން ރައްޔިތުން ބަނޑަށް ޖެހުނަސް… އަޅުގަނޑުމެން ހަމަހޭ ކުރެގެން މަނިކުފާނުގެ ސަރުކާރު ވައްޓާލިއަކަ ނުދޭނަން،” ޝަރީފް
ވަރަށް ނުުރުހުންވެ ހުންނަވައި ވާހަކަ ދައްކަވަމުން ޝަރީފް ވިދާޅުވީ، ވެރިކަމުގެ އިތުރު ދައުރަކަށް ރައީސް ސޯލިހު ކުރިމަތިލައްވައިފި ނަމަ އެމަނިކުފާނަށް ރިޔާސީ އިންތިހާބުކޮށްދޭން ޖާނާއި މާލުން ގުރުބާން ވެސް ތައްޔާރަށް ހުންނެވި ކަމަށެވެ.
ސަރުކާރުގެ ރަސްމީ އިވެންޓެއްގައި، ވާދަވެރި ކެނޑިޑޭޓަށް ފާޑުވިދާޅުވުމުން އިންތިގެ ކެމްޕެއިން ތަރުޖަމާނު އަދި އުނގޫފާރު ދާއިރާގެ މެމްބަރު މުހައްމަދު ވަހީދ (ވައްޑެ) ވިދާޅުވީ ރައީސުލްޖުމްހޫރިއްޔާ ބައިވެރިވެ ވަޑައިގަންނަވާ ގައުމީ އިހުތިފާލުތައް، ޕާޓީގެ އެތެރޭގެ ކެމްޕޭން ހަރަކާތަކަށް ބަދަލުކުރުމަކީ ވަރަށް ބޮޑު ގޯހެއް ކަމަށެވެ. ފަހަކަށް އައިސް މިފަދަ ނުރަނގަޅު އާދައްތައް އާއްމުވުމަކީ ކަންބޮޑުވުމެއްގެ ގޮތުގައި ވައްޑެ ވިދާޅުވި އެވެ.
އެއަށް ފަހު ވައްޑެ ވަނީ ޝަރީފް މީގެ ކުރިން ޑީއާރުޕީގެ މެމްބަރެއްގެ ގޮތުގައި ހުންނެވިއިރު ރައީސް މުހައްމަދު ނަޝީދާއި ދެކޮޅަށް ކުރިޔަށް ގެންދިޔަ އިހުތިޖާޖާއި ގުޅޭ ޕްރެސްއެއްގައި ވާހަކަ ދައްކަވާ ވީޑއިޯއެއް ޓްވީޓު ކުރައްވާފަ އެވެ.
ރައީސުލްޖުމްހޫރިއްޔާ ބައިވެރިވެ ވަޑައިގަންނަވާ ޤައުމީ އިހުތިފާލުތައް، ޕާޓީގެ އެތެރޭގެ ކެމްޕޭން ހަރަކާތަކަށް ބަދަލުކޮށް ލެއްވުމަކީ ވަރަށް ބޮޑު ގޯހެއް. މިފަދަ ނުރަގަޅު ކަންކަން ތަކުރާރުވަމުން ތަކުރާރުވަމުން ދާކަމީ ވަރަށް ވަރަށް ދެރަ ކަމެއް. pic.twitter.com/waDsfshBIU
— Waddey (@waddey_) March 27, 2022
ޝަރީފަށް ރައްދު ދެއްވައި މަޑަވެލި ދާއިރާގެ މެމްބަރު މުހައްމަދު ފިރުޝާން ވިދާޅުވީ ވެރިކަން ވައްޓާލަން ބަޔަކު މަސައްކަތް ކުރާކަމަށް ވިދާޅުވީއިރު މި ވެރިކަން އައިއިރު ޝަރީފްގެ ނަން އޮތީ އެމްއެމްޕީއާރުސީގެ ލިސްޓުގައި ކަމަށެވެ. އިންތިހާބާއި ދިމާކޮށް މުޅި ކޯލިޝަން ނިކުމެ ޑިފެންސަށް ކުޅުނަސް އިންތިހާބު ބޮޑުތަނުން ކާމިޔާބު ކުރާނީ އިންތިކަމަށް ފިރުޝާން ވިދާޅުވި އެވެ.
ވެރިކަން ވައްޓަން އުޅެނީއޭ؟ ???? ވެރިކަން ލިބުނު އިރު ޝަރީފް އޮތީ MMPRC އިން 88 މިލިޔަން ނަގައިގެން ގޭގަ.މީ MDP އެތެރޭގެ އިންތިޚާބެއް. މުޅި ކޯލިޝން ޖެހިލުންވެ ނިކުމެއްޖެ! މުޅި ސަރުކާރު ޑިފެންސަށް ނިކުމެ ރުޅިގަދަވެއްޖެ! އިރާދަކުރެއްވިޔާ @Imthiyazfahmy ބޮޑުތަނުން ކާމިޔާބު ކުރާނެ. pic.twitter.com/5BM6W4JBHd
— Hussain Firushan ???????? (@husnfirey) March 27, 2022
މާލޭގެ ކުރީގެ މޭޔަރު ސިފާ މުހައްމަދު ވިދާޅުވީ އެތެރޭގެ އިންތިހަބާއި ދިމާކޮށް އުޅެވޭގޮތެއް ބައެއް ބޭފުޅުންނަށް ނޭނގޭ ކަމަށާއި، މިފަދަ ބައެއް މީހުންގެ ސަބަބުން އެމްޑީޕީއަށް ގޮނޑިތައް ވެސް ގެއްލެމުން ދާ ކަމަށެވެ.
Huthuru . Ethereyge inthihaabeh gai ulheveygoiy varah hadi . Mee party jalsaaeh thoa ? Ehen ulhen hadhaigen mihaaru hurihaa gondieh midhani gehligen . https://t.co/elO97Bqd7B
— Shifa Mohammed???????????? (@SifaMohammed) March 27, 2022
advertisment