ރެޑްވޭވްގެ ނަމުގައި އޮޅުވާލައިގެން ފޭކް ޕްރޮމޯޝަން ތަކެއް ހިންގާތީ ކަސްޓަމަރުން ސަމާލުވުމަށް އެކުންފުނިން އެދެފިއެވެ.
އެކުންފުނީގެ ފަރާތުން ހާމަކުރެއްވި ގޮތުގައި ރެޑްވޭވްގެ ނަމުގައި ފޭކް ޕްރޮމޯޝަން ތަކެއް ޝޯސަލް މީޑިއާ މެދުވެރިކޮށް ހިންގަމުން އަންނަ ކަމުގެ މައުލޫމާތު އެކުންފުންޏަށް ވަނީ ލިބިފައެވެ. ވުމާއެކު އެކަމަށް ސަމާލުވެ ތިއްބެވުމަށް ރެޑްވޭވްގެ ފަރާތުން އާންމު ރައްޔިތުންނަށާއި އެންމެހައި ކަސްޓަމަރުންނަށް ވަނީ އިލްތިމާސް ކޮށްފައެވެ.
އަދި މިފަދަ ފޭކް ޕްރޮމޯޝަން ތަކުގައި ބައިވެރި ނުވުމަށާއި އެފަދަ ކަންކަމަށް ރައްކާތެރިވެ ތިބުމަށް އެކުންފުނިން ވަނީ އެދިފައެވެ.