މިއަހަރު ކުރިއަށް ގެންދިއުމަށް ނިންމާފައިވާ ބޯހިމެނުމުގެ މަސައްކަތަށް މީހުން ހޯދުމަށް މޯލްޑިވްސް ބިއުރޯ އޮފް ސްޓެޓިސްޓިކްސް އިން އިއުލާންކޮށްފިއެވެ.
އެބިއުރޯއިން ހާމަކުރިގޮތުގައި ބޯހިމެނުމުގެ މަސައްކަތަށް ޖުމްލަ 4،400 މީހުން ބޭނުންވެއެވެ. އެއީ މާލެ ސަރަހައްދަށް 2،409 މީހުންނާއި އަތޮޅުތަކަށް 1،991 މީހުންނެވެ.
ސްޓެޓިސްޓިކްސް ބިއުރޯއިން ބުނެފައިވާ ގޮތުގައި މިހާތަނަށް ލިބިފައިވަނީ މާލެ ސަރަހައްދަށް ބޭނުންވާ 583 މީހުން ކަމަށާއި އަތޮޅުތަކަށް ބޭނުންވާ 269 މީހުން ހޯދުމަށް މަސައްކަތް ކުރަމުންދާ ކަމަށެވެ.
Apply online NOW and join Census 2022 team! https://t.co/UhDv0LUiXR
Working as a Census enumerator can advance your career and you will earn a good pay!Submission Deadline: 31st MAY 2022#CountMeIn #census2022mv pic.twitter.com/iYa65ZxnKG
— Census 2022 Maldives (@census2022mv) May 16, 2022
އެ ބިއުރޯ އިން ބުނީ މަސައްކަތަށް ނިކުންނަ ކޮންމެ ދުވަހަކަސް 500ރ ގެ އެލަވަންސެއްް ދޭއިރު އިތުރަށް 10ރ ގެ ފޯން އެލަވަންސެއް މަސައްކަތަށް ނިކުންނަ ކޮންމެ ދުވަހަކަށް ލިބޭނެއެވެ. އަދި މަސައްކަތަށް ނިކުންނަން ޖެހޭނީ ހަފްތާ އަކާ އެކު ހަތަރު ދުވަހު ކަމަށެވެ.
މީގެ އިތުރުން މަސައްކަތުގައި ބައިވެރިވާ މީހުންނަށް ހަފްތާއެއްގެ ތަމްރީނު ޕްރޮގްރާމެއް ދިނުމަށް ވަނީ ހަމަޖެހިފައެވެ. އަދި ތަމްރީން ފުރިހަމަ ކުރުމަށް ނިކުންނަ ކޮންމެ ދުވަހަކަށް 100 ލިބޭނެއެވެ.
ބޯހިމެނުމުގައި ހަރަކާތް ތެރިވާ މީހުންނަށް އެލަވަންސް ދޭން ހަމަޖެހިފައިވަނީ ތަމްރީން ފުރިހަމަކޮށް، ބޯހިމެނުމުގެ މަސައްކަތް ފުރިހަމަ ކޮށް ނިމުނީމައެވެ.
ބޯހިމެނުމުގައި ޓްރޭނަރުންނާއި އެނިއުމަރޭޓަރުންގެ ގޮތުގައި ބައިވެރިވުމުގެ ފުރުސަތު ހުޅުވާލާފައިވަނީ އަންނަ މަހުގެ 31 ވަނަ ދުވަހުގެ ނިޔަލަށެވެ.
advertisment