ރ. ރަސްމާދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، މިހާރު ކުރިއަށް ދަނީ ގްރޮއިން ޖެހުމުގެ މަސައްކަތްކަމަށް އެމްޓީސީސީން ބުނެފިއެވެ.
މި މަޝްރޫޢުގެ ދަށުން، 336 މީޓަރުގެ ސަރަޙައްދެއްގައި ގްރޮއިންސް ޖެހުމުގެ މަސައްކަތް ކުރެވިގެންދާނެކަމަށާއި މި މަޝްރޫޢަކީ 11.6 މިލިއަން ރުފިޔާގެ މަޝްރޫއެއްކަމަށް ކުންފުނިން ބުނެފައިވެއެވެ.
މީގެ އިތުރަށް ރަސްމާދޫ ބަނދަރު ތަރައްގީ ކުރުމުގެ މަސައްކަތްވެސް އެމްޓީސީސީގެ ފަރާތުން ދަނީ ކުރަމުންނެވެ. 28.1 މިލިޔަން ރުފިޔާގެ މި މަޝްރޫއުގެ ދަށުން 8100 ކިއުބިކް މީޓަރުގެ ސަރަހައްދެއް ބަނދަރުން ފުންކުރުމާއި، 377 މީޓަރުގެ ސަރަހައްދުގައި ބޭރުތޮށިލުމާއި 600 އަކަ މީޓަރުގެ ސަރަހައްދުގައި ޕޭވްމަންޓް ހެދުމާއި، ނެރުބައްތި ހަރުކުރުމާއި ބަނދަރުގެ މަގު މަތީގައި މަގު ބައްތި ހަރުކުރުގެ މަސައްކަތް ކުރިއަށް ގެންދިއުމަށް ހަމަޖެހިފައިވާ ކަމުގައިވެސް އެކުންފުނިން ބުނެއެވެ.
ފެބްރުއަރީ މަހުގެ ތެރޭގައި އެމްޓީސީސީން ހާމަކުރި ގޮތުގައި މި މަޝްރޫއުގެ 80 އިންސައްތަ ވަނީ ނިމިފައެވެ.
