ދިވެހިރާއްޖޭގެ ކްރިމިނަލް ކޯޓުގެ ފަނޑިޔާރުކަމަށް ކުރިމަތިލުމަށް ހުޅުވާލައިފި އެވެ.
ޖުޑިޝަލް ސާވިސް ކޮމިޝަން (ޖޭއެސްސީ) އިން ކުރި އިއުލާނެއްގައި ބުނީ ކްރިމިނަލް ކޯޓުގެ ފަނޑިޔާރުކަމަށް ކުރިމަތިލުމަށް އަންނަ މަހުގެ 10 އެއްގެ ނިޔަލަށް ހުޅުވާލާފައިވާކަމަށެވެ.
ކްރިމިނަލް ކޯޓަށް އައު ފަނޑިޔާރެއް ހޯދަނީ، އެ ކޯޓުގެ ފަނޑިޔާރުކަމުގައި ހުންނެވި ދީބަނާޖް ފަހުމީ ހައިކޯޓަށް އައްޔަނު ކުރުމުންނެވެ.
ކްރިމިނަލް ކޯޓުގެ ފަނޑިޔާރުންގެ މުސާރައަކީ 30،000 ރުފިޔާ އެވެ. އަދި އިނާޔަތްތަކާއި އެކު 38،000 ރުފިޔާ ލިބިވަޑައިގަންނަވާނެ އެވެ.