ސްރީލަންކާގެ ކުރީގެ ރައީސް ގޯޓަބަޔާއަށް ލަންކާއިން ފިއްލަވައިގެން ރާއްޖެވަޑައިގެން ރާއްޖެއިން، ސިންގަޕޫރަށް ފުރާވަޑައިގަތުމަށް އެހީވެފައިވާކަމުގެ ފާޑުކިޔުންތައް އަމާޒުކޮށް، ސްރީލަންކާގެ ރައްޔިތުން ދިވެހިރާއްޖޭގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އެގައުމަށް ނޭރުމަށް އިންޒާރުތަކެއް ދީފިއެވެ.
ރައީސް ނަޝީދު، ގޯޓަބަޔާ ރާޖަޕަކްސާ، ރާއްޖެއިން ސިންގަޕޫރަށް ފުރާވަޑައިގަތުމާއި އެކު، ހަނުހުންނެވުން ދޫކޮށްލަވައި، ގޯޓަބަޔާގެ ފިއްލެވުން ދިފާއުކުރްވާ، ވާހަކަދެއްކެވެމުން، ޓްވީޓަރގައި އެ މަނިކުފާނުގެ ޕޯސްޓަށް ކޮމެންޓު ކުރި ރައްޔިތަކުވަނީ އެ މަނިކުފާނު ދެން ލަންކާއިން ފެނިއްޖެނަމަ، ޖަމްރާއަށް ގާ އުކާ ފަދައިން، ރަޖަމްކުރާނެކަމަށް ބުނެފައިއެވެ.
When we see you next time, Srilankans will throw stones at you as we do on the Hajj Pilgrimage.
— Mohamed Ijas (@MohamedIjaz01) July 14, 2022
ސްރީލަންކާގެ ރައްޔިތުންވަނީ ރައީސް ނަޝީދަށް ގިނަ ފާޑުކިޔުންތައް އާމާޒުކޮށްފައިއެވެ. އެގޮތުން، ރާއްޖެއިން ހުދުމުހުތާރު ވެރިކަމެއް ނައްތާލުމުމުގެ ނަމުގައި ވެރިކަން ހޯއްދަވަން މަސައްކަތްކުރެއްވި ފަރާތަކުން، އެހެން ގައުމެއްގައި ހުދުމުހުތާރު އާއިލީ ވެރިކަމެއް ކުރަމުންދިޔަ ފަރާތަކަށް އެވަރަށް ތާއީދު ކުރެއްވުމަކީ، ރައީސް ނަޝީދުގެ ބަހާއި އަމާލާއި ދިމާނުވާކަމުގެ ހެއްކެއްކަމަށްވެސް ބައެއް ފަރާތްތަކުން ބުނެއެވެ.
Next time when you seek asylum in Sri Lanka think it twice. If I'm right you were schooled in SL. Most of your friends are from SL but yet you betrayed to the people of Sri Lanka.
— ගේම්කාරයා (@GameKaraya) July 14, 2022
As country that stood by you when you were in trouble you have paid us back poorly. You have kicked us when we are down and there is no greater insult. Apologies to @HarshadeSilvaMP for doubting you. Didn't know @MohamedNasheed to be a double talking snake
— Nayantha (@NayanthaJay) July 14, 2022
ރައީސް ނަޝީދަށް އަމާޒުކުރެއްވި ފާޑުކިޔުންތަކުގައި، އެ މަނިކުފާނަށް ސްރީލަންކާއިން ވެދިން ހެޔޮވެސް ބަލައިގަނެފައިނުވާކަމަށް ދޭހަވާ މޭރުމަކުންވެސް ބައެއް ފަރާތްތަކުންވަނީ ސިފަ ކުރައްވާފައިއެވެ. އެގޮތުން ބައެއް ފަރާތްތަކުން ބުނާގޮތުން، ދެވަނަ ފަހަރަކަށް ސްރީލަންކާއިން އެ މަނިކުފާނު ހިމާޔަތް ހޯއްދުމާއިމެދު ރަނގަޅަށް ވިސްނަން ޖެހޭނެކަމަށެވެ. އަދި ރައީސް ނަޝީދުގެ ގިނަ ރައްޓެހިންވެސް ސްރީލަންކާގައި ތިބޭނެކަމަށް ފާހަގަކުރައްވާ ބުނެފައިވަނީ އެހެން ނަމަވެސް އެ މަނިކުފާނުވަނީ އެ ފަރާތްތަކަށްވެސް ހިޔާނާތްތެރިވެފައިކަމަށެވެ.
“President would not have resigned if he were still in Sri Lanka, and fearful of losing his life”
Okay so it’s our fault now? What about all the people that actually did lose their lives because of him?
World class gaslighting— Achini Pahalawatte (@Achini357) July 14, 2022
މީގެ އިތުރުން، ބައެއް ފަރާތްތަކުން ވަނީ، ގޯޓަބަޔާ އެނާގެ ފުރާނައަށް ނުރައްކާވެފައިވާ ހާލަތެއްގައި ނެތްނަމަ އިސްތިއުފާ ނުދެއްވާކަމަށް ރައީސް ނަޝީދު ވިދާޅުވި ވިދާޅުވުމަށްވެސް ރައްދުދީފައިއެވެ. އެގޮތުން ގައުމުގެ މާލީ ހާލަތާއި އިގްތިސޯދު ފުންޑުފުނޑުވެގެންދިއުމުގެ ޒިންމާ އެޅެނީ ރައީސް ގޯޓަބަޔާގެ ބޮލުގައި ކަމަށް ފާހަގަކޮށް، އެކަމުގެ ސަބަބުން ތަހައްމަލު ކުރަންޖެހުން ތަދުމަޑުކަމާއި ފެތުރިގެންދިޔަ ބަލިމަޑުކަމުގެ ސަބަބުން މަރުވެގެންދިޔަ މީހުންގެ ފުރާނަތައް ކޮބައިތޯވެސް ބައެއް ފަރާތްތަކުން ރައީސް ނަޝީދާއި ސުވާލުކުރިއެވެ.
ލަންކާގެ ކުރީގެ ރައީސް ގޯޓަބަޔާ ރާޖަޕަކްސާވަނީ އެގައުމުން ފިއްލަވައިގެން ރާއްޖެ ވަޑައިގަތުމަށްފަހު، ރައްޔިތުންގެ ކުރިމަތިވި ނުރުހުންތަކާއި ގުޅިގެން ރާއްޖެ ދޫކުރައްވާ ސިންގަޕޫރަށް ވަޑައިގެންފައިއެވެ. ގޯޓަބަޔާ ރާއްޖޭގައި ހުންނެވި އިރު، ދިވެހި ސަރުކާރުން ހަނުހުރެފައިވާއިރު، އެނާ ފުރާވަޑައިގަތުމުން ފޮރިން މިނިސްޓްރީންވަނީ ބަޔާނެއް ނެރި، ފިއްލަވައިގެން ރާއްޖެ ވަޑައިގަތް ރައީސް ގޯޓަބަޔާއަށް ޑިޕްލޮމެޓިކް ކްލިއަރެންސް ދީފައިވާކަމަށް ބުނެފައިއެވެ.
2 Responses
ރީނދޫ ޚުދުމުޚުތާރު ސަރުކާރުގެ ސަބަބުން ބޭރު ގައުމުތަކުގައި ވެސް ރާއްޖޭ އަގު މުޅިން ވެއްޓި ހަފުސް ވެއްޖެ.
ލަންކާރައްޔިތުންނުބުނޭ. އަމިއްލައަށްބުނީ.