މީގެ ކުރިން ރާއްޖޭގެ ރަށެއްގައި މޮހޮރެއް އަދި އިސްކުރެއް ޖަހާފައިވާނަމަވެސް ޖެހީ، މަރުކަޒީ އުސޫލަކުން އަތޮޅު ތެރޭގެ ރަށްތަކަށް ގުޑި ނުލެވޭ ވަރު ކުރުމަށް ކަމަށް ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.
ލ އަތޮޅުގައި ކުރިއަށްގެންދާ ވިޔަވަތި ރާއްޖެ ކޮންފަރެންސްގައި ވާހަކަދައްކަވަމުން ރައިސް ސާލިހު ވިދާޅުވީ، ލާމަރުކަޒީ ނިޒާމަކީ، މިހާތަނަށް ރާއްޖޭގެ އިދާރީ ހިންގުންތެރިކަމަށް ގެނެވޭ އެންމެ ބޮޑު ބަދަލު ކަމަށެވެ. އަދި ކުރިން ރަށްތަކުގައި ހިންގި ތަރައްގީގެ މަޝްރޫއުތަކަށް ފާޑުވިދާޅުވަމުން އެ މަނިކުފާނު ވިދާޅުވީ، މިހާރު ސަރުކާރުން ހިންގާ ކޮންމެ މަޝްރޫއަކީވެސް އެ ރަށަކަށްޓަކައި ހިންގަމުންދާ މަޝްރޫއުތަކެއް ކަމަށެވެ.
ރައީސް ސާލިހު ވިދާޅުވީ، އެ މަނިކުފާނުގެ ސަރުކާރުން ގެންގުޅޭ ކޮންމި ސަޔާސަތަކީވެސް އެ ސިޔާސަތުގެ ސަބަބުން، ރައްޔިތުންނަށް އުދުއްސައިގަނެވޭނެ ލާޒާމަރުކަޒީ ޖަޒީރާ ރާއްޖޭގެ ތަރައްގީއަށް ކުރަމުންދާ މަސައްކަތްތަކެއް ކަމަށެވެ. އަދި އެކަމުގެ ބޭނުމަކީ ކޮންމެ ރައްޔިތަކަސްވެސް އެ މީހަކު އިހުތިޔާރު ކުރާ ތަނެއްގައި އުފަލުގައި އާއިލާއެއް ބިނާކޮށް ދިރިއުޅެވޭނެ މަގު ފަހިކޮށްދިނުންކަމަށްވެސް ރައީސް ސާލިހު ވިދާޅުވިއެވެ.
“ލާމަރުކަޒީ ނިޒާމަކީ މިހާތަނަށް މުޅި ރާއްޖެއަށް ގެނެވޭ އެންމެ ބޮޑު އިދާރީ ބަދަލު. މިއިން އަތޮޅެއް، ރަށެއްގާ މީގެކުރިން ޖެހި ކޮންމެ އިސްކުރެއް މޮހޮރެއް ޖެހީ، މަރުކަޒީކޮށް، މިރަށްތަށް ގުޑި ނުލެވޭވަރު ކުރުމަށް. pic.twitter.com/uenLSE5C95
— Miuvaan Mohamed (@MvSpokesperson) September 11, 2022
މީގެ އިތުރުން އެމަނިކުފާނުވަނީ ކަރަންޓު ދިނުމާއި، މަގު ހެދުން، ބަނދަރުތައް ބިނާ ކުރުމާއި ފެނާއި ނަރުދަމާގެ ނިޒާމު ގާއިމު ކުރުން ފަދަ މަޝްރޫއުތަކާއި އެއަރޕޯޓުތައް ގާއިމު ކުރުންފަދަ މަސައްކަތްތައް އެ މަނިކުފާނުގެ ސަރުކާރުން ކުރަމުންދާކަމަށްވެސް އިޝާރާތް ކުރައްވާފައެވެ.
