ހުސްވެފައިވާ އެންޓި ކޮރަޕްޝަން ކޮމިޝަން (އޭސީސީ) ގެ މެމްބަރު ކަމަށް ކުރިމަތިލުމުގެ މުއްދަތު އިތުރު ކޮށްފި އެވެ،
އޭސީސީގެ ފަސް މެމްބަރުންގެ މަގާމު ހުސްވެފައިވާތީ މިމަހު ފަސް ވަނަ ދުވަހު ފުރުސަތު ހުޅުވާލީ މާދަމާގެ ނިޔަލަށް ކުރިމަތި ލުމަށެވެ.
ނަމަވެސް ރައީސް އޮފީހުން މިއަދު ބުނީ އެ މުއްދަތު މިމަހު 31ވާ ހޯމަ ދުވަހުގެ 12:30ގެ ނިޔަލަށް އިތުރު ކޮށްފައިވާ ކަމަށެވެ.
އޭސީސީގެ މެންބަރުންގެ ގޮތުގައި އެންމެ ފަހުން ތިއްބެވީ ކޮމިޝަންގެ ރައީސް މަރިޔަމް ޝިއުނާ އާއި ނައިބު ރައީސް ފާތިމަތު އަނޫލާ އާއި މެންބަރު އައިޝަތު އަބްދުﷲ އެވެ. މި ތިން ބޭފުޅުން އިސްތިއުފާ ދެއްވެވީ މިދިޔަ މަހު 27 ވަނަ ދުވަހު އެވެ. އެ ބޭފުޅުންގެ ކުރިން އަލީ އަޝްރަފާއި، އިބްރާހީމް ޝަކީލް ވެސް ވަނީ އޭސީސީގެ މެންބަރު ކަމުން އިސްތިއުފާ ދެއްވާފަ އެވެ. އަޝްރަފް އިސްތިއުފާ ދެއްވީ މިދިޔަ މަހުގެ ދެވަނަ ދުވަހު އެވެ. ޝަކީލް އިސްތިއުފާ ދެއްވީ މިދިޔަ މަހުގެ 15 ވަނަ ދުވަހު އެވެ.
