ޕްލާސްޓިކު ފުޅިއެއްގައި ތާށިވެ، އެންވައިރަމެންޓު މިނިސްޓަރު އައިމިނަތު ޝައުނާ ބަސްހުސްވެފައިވާކަމަށް ކުރީގެ ކޮމިއުނިކޭޝަންސް މިނިސްޓަރު މުހައްމަދު މަލީހު ޖަމާލް ވިދާޅުވެއްޖެއެވެ.
އަމީނީ މަގު ހެދުމުގެ ތެރޭގައި ތިމާވެއްޓަށް ގެއްލުންތައް ލިބެމުންދާކަމަށް އިދިިކޮޅު ކޯލިޝަނުންނާއި އަމިއްލަ ފަރުދުންވެސް ސޯޝަލް މީޑިއާގައި ފާހަގަކޮށްފައިވާ ދަނޑިވަޅެއްގައި މަލީހު ވިދާޅުވީ، އަމީނީ މަގު ހެދުމުގެ ނަމުގައި ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ސަރުކާރުން ހިންގަމުންދަނީ ޖަރީމާއެއް ކަމަށެވެ.
މަލީހު ވިދާޅުވީ، މަގު ހެދުމުގެ ނަމުގައި ހިންގަމުންދާ ޖަރީމާ ހުއްޓާލަންޖެހިފައިވާކަމަށެވެ. އަދި އަމީނީ މަގުގައި ހުރި ގަސްތައް ނުކަނޑާ މަގު ހެދޭނެ ބައިވަރު ގޮތްތަކެއް ކިޔައިދެވިދާނެ އެތައް ބަޔަކު ދިވެހިރާއްޖޭގައި ތިބިކަމަށް އެނާ ވިދާޅުވީއެވެ.
އެނާ ވިދާޅުވީ، މިނިސްޓަރު ޝައުނާގެ ތިމާވެށީގެ ސިޔާސަތު މިހާރު ބައްޓަން ކުރައްވަނީ ތިލަފުށިންކަމަށާއި އެ ކަމަނާވަނީ ”ޕެޓް“ ފުޅިއެއްގައި ތާށިވެ ބަސްހުސްވެފައިކަމަށްވެސް މަލީހު ފާހަގަަކުރެއްވިއެވެ.
Ameenee Magu hedhumuge namugai hingaa jareemaa huttaalan jehey. Gas nukadaa thiya magu hedheyne kithanme gotheh kiyaadheyne meehun madhu nuvaane. Minister Shauna thimaavesheege siyaasathu mihaaru battan kurahvanee Thilafushin. PET fulhiyehga thaashive Min.Shaunage bas husvejje. https://t.co/IEE57iOxd4
— Mohamed Maleeh Jamal (@maleehjamal) September 22, 2022
ތިމާވެށީގެ ބެލެނިވެރިން ކަމަށް ހެދިގެން ކޮރަލް އިންސްޓިޓިއުޓް ހަދާ ބޭރު ދުނިޔެއިން ފައިސާ ހޯދައިގެން ކައިބޮއެ އުޅޭ އެމްޑީޕީ އިސް ބޭފުޅުން އުޅޭ. ނުހިއްކާ ހިއްކާ ސަރުކާރު. ސިންގަލް ޔޫޒް ޕްލާސްޓިކު މަނާކުރި ދެފުށްކެހެރި ސަރުކާރުގެ ހާލަތު. އިއްޔެ ހުޅުދުއްފާރު. މިއަދު އަމީނީ މަގު. pic.twitter.com/Jk67mGjbLi
— Mohamed Maleeh Jamal (@maleehjamal) September 22, 2022
އެމްޑީޕީގެ ސަރުކާރުގެ އިސް ބޭފުޅުން އުޅުއްވަނީ ތިމާވެށީގެ ބެލެނިވެރިންގެ ނަމުގައި ކަމަށް ސިފަކުރައްވާ މަލީހު ވިދާޅުވީ، އެ ބޭފުޅުން އުޅުއްވަނީ ކޮރަލް އިންސްޓިޓިއުޓު ފަދަ މުއައްސަސާތައް ހަދާ ބޭރު ދުނިޔޭގެ ވުޒާރާތަކުން ފައިސާ ހޯދައިގެން އެ ފައިސާއިން ކައިބޮއެގެންކަމަށެވެ.
މީގެ އިތުރުން މަލީހުގެ ވަނީ ރައީސް ސާލިހުގެ ސަރުކާރަކީ ބިންތަކެއް ހިއްކުމަށް ބުނެ އެކަން ކާމިޔާބުވެފައިނުވާ ސަރުކާރެއްކަމަށް ސިފަކުރައްވާފައެވެ. އަދި ސިންގަލް ޔޫޒް ޕްލާސްޓިކު މަނާ ކުރީ ތިމާވެށީގެ ނަމުގައިކަމަށް ފާހަގަކުރައްވާ އެނާ ވަނީ ސަރުކާރުން ހުޅުދުއްފާރުގެ ތިމާވެއްޓާއި މާލޭގެ އަމީނީ މަގުގައިވެސް ތިމާވެއްޓަށް ގެއްލުންވާ އަމަލުތަކެއް ހިންގާފައިކަމަށެވެ.
