އީދު ދުވަހު ހިނގި އެކްސިޑެންޓުގައި ސައިކަލް ދުއްވަން އިން މީހާ ހައްޔަރުކޮށްފިއެވެ.
ފުލުހުން ބުނެފައިވަނީ 2023 ޖޫން 28 ވަނަ ދުވަހު ހިނގި އެކްސިޑެންޓާ ގުޅިގެން ސައިކަލު ދުއްވަން އިން މީހާ ކޯޓު އަމުރެއްގެ ދަށުން މިއަދު ވަނީ ހައްޔަރުކޮށްފައިކަމަށެވެ. ސައިކަލު ދުއްވި މީހާ ހައްޔަރުކުރުން ފަސްކުރީ އޭނާއަށްވެސް އެކްސިޑެންޓްގައި ބޮޑެތި އަނިޔާތަކެއް ލިބިފައިވުމާއެކު ފަރުވާދެމުން ދާތީކަމަށް ފުލުހުން ބުންޏެވެ.
ގައުމީ ޔުނިވާސިޓީގައި ކިޔަވައިދެމުން އަންނަ އުމުރުން 50 އަހަރުގެ އަލީ ހަފީޒްގެ ގައިގައި ސައިކަލުން ޖެހުނީ އޭނާ ފަތިސް ނަމާދުން ފޭބި ވަގުުތުއެވެ. ހަފީޒްގެ ގައިގައި ޖެހުނު ސައިކަލު ދުއްވަން އިން ޒުވާނާގެ ލައިސަންސް ނެތްކަން ވަނީ ހާމަވެފައެވެ. ސައިކަލުން ޖެހުނީ ވަރަށް ބާރަށްކަމަށް މަންޒަރު ދުށް މީހުން ބުނެފައިވާއިރު، ހަފީޒް ހާލު އަދިވެސް ސީރިއަސްއެވެ.
ހަފީޒް އިތުރު ފަރުވާއަށް ރާއްޖެ އިން ބޭރަށް ގެންދިއުމުގެ މަސައްކަތް އޭނާގެ އާއިލާ އިން މިހާރު އަންނަނީ ކުރަމުންނެވެ.