ސިނަމާލެ ބުރިޖްގައި ރޭ ހިނގި އެކްސިޑެންޓެއްގައި އަނިޔާވި ޒުވާނަކަށް ހޮސްޕިޓަލުގައި ފަރުވާދެމުންދަނިކޮށް މަރުވެއްޖެއެވެ.
މި އެކްސިޑެންޓް ހިނގާފައި ވަނީ ރޭ 8:00 ހާއިރުއެވެ. އެނގިފައިވާ ގޮތުގައި މި އެކްސިޑެންޓްގައި މަރުވެފައި ވަނީ އުމުރުން 21 އަހަރުގެ މުހައްމަދު ހައިކަލް އިސްމާއިލެވެ.
ހައިކަލްއަށް ލިބުނު އަނިޔާތަކުގެ ތަފްސީލެއް ނުލިބެއެވެ. ނަމަވެސް އޭނާއަށް ފަރުވާދެމުން ގޮސްފައި ވަނީ އޭޑީކޭގައެވެ.
މި އެކްސިޑެންޓާ ގުޅޭ ގޮތުން ފުލުހުން އަދި އެއްވެސް މައުލޫމާތެއް ހާމައެއް ނުކުރެއެވެ.