މާލެ ސަރައްދުގެ ކަރަންޓުުގެ ރައްކާތެރިކަން ކަށަވަރު ކުރުމަށް “ސިކްސްތް ޕަވާ ޑިވެލޮޕްމަންޓް ޕްރޮޖެކްޓު” ގެ ނަމުގައި މަޝްރޫއުއެއް ހިންގަން ސްޓެލްކޯއިން ނިންމައިފިއެވެ.
މާލެއާއި ހުޅުމާލޭގައި ޕަވާ ޖެނެރޭޝަންގެ މަސައްކަތްތަކުގައި އުޅޭ މުވައްޒަފުންނާއެކު ބޭއްވި ބައްދަލުވުމުގައި އެ މަޝަރޫއު ކުރިއަށް ގެންދަވަން ނިންމެވީ ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީއެވެ.
ސްޓެލްކޯއިން އެކްސްގައި ކުރި ޕޯސްޓެއްގައި އެކަމާއި ގުޅިގެން ބުނެފައިވަނީ އެ މަޝްރޫއުގެ އަމަލީ މަސައްކަތް ކުރިއަށް އޮތް 100 ދުވަސް ތެރޭގައި ފައްޓަވާނެ ކަމަށެވެ. ބައްދަލުވުމުގައި ފަހުމީ ވަނީ މުވައްޒަފުންގެ ދައުރު ފާހަގަކުރައްވާ ޝުކުރު އަދާކުރައްވާފައެވެ. އަދި ސްޓެލްކޯ ހިންގުމުގައި ޓެކްނިކަލް މުވައްޒަފުންގެ ލަފަޔާއި އިރުޝާދު އަބަދުވެސް ހޯއްދަވާނެ ކަމުގެ ޔަގީންކަން ދެއްވިއެވެ.
ގްރޭޓާމާލޭ ރީޖަންގެ ޕަވަރ ސެކިއުރިޓީ ކަށަވަރު ކުރުމަށްޓަކައި، ސިކްސްތް ޕަވަރ ޑިވޮލޮޕްމަންޓް ޕްރޮޖެކްޓްގެ އަމަލީ މަސައްކަތް ކުރިއަށް އޮތް 100 ދުވަހުގެ ތެރޭގައި ފެއްޓެވުމަށް މެނޭޖިންގ ޑިރެކްޓަރ ހުސައިން ފަހުމީ ނިންމަވައިފި. އެމްޑީ ފަހުމީ މިގޮތަށް ނިންމެވީ، މާލެ އަދި pic.twitter.com/8tZMJLbK3O
— STELCO (@STELCOMALDIVES) November 29, 2023
މީގެއިތުރުން ސްޓެލްކޯއިން ހާމަކުރި ގޮތުގައި ހުސައިން ފަހުމީ ވަނީ މަގާމާ ހަވާލުވެވަޑައިގަތުމަށްފަހު ގަޑިއިރެއް ނުވަނީސް ރައްޔިތުންނަށް ދިމާވެފައިވާ ތަކުލީފުތައް ލުއިކޮށްދެއްވުމަށްޓަކައި މުވައްޒަފުންނާއެކީ މަސައްކަތަށް ނުކުންނަވައިފައެވެ. އެގޮތުން އެންމެ ފުރަތަމަ ވެސް ފަހުމީ މާވެޔޮ މިސްކިތް ހުންނަ ސަރަހައްދަށް ވަޑައިގެން އެތަނުގައިވާ އެ ކުންފުނީގެ ޓްރާނސްފޯމަރު އާއްމުނަށް އުދަނގުވާތީ ނެގުމަށް ނިންމިއެވެ.
advertisment