20 ވަނަ މަޖިލިސް އިންތިހާބުގައި ޕީއެންސީއާއި އިދިކޮޅު އެމްޑީޕީގެ ޓިކެޓްގައި ވާދަކުރާނެ ބޭފުޅުން ކަނޑައެޅުމަށް ބާއްވާ ޕްރައިމަރީ ދެ ޕާޓީންއިވެސް ފަސްކޮށްފިއެވެ.
މީގެ ކުރީގައި ޕީއެންސީ އިން އެ ޕާޓީގެ ޕްރައިމަރީ ބޭއްވުމަށް ނިންމީ މި ހިނގާ ޖެނުއަރީ 20 ވަނަ ދުވަހުއެވެ. މި ތާރީހު ޑިސެމްބަރ 20 އަށް ބަދަލުކޮށް، އަނެއްކާވެސް މިމަހުގެ 20 ވަނަ ދުވަހު ބާއްވާ ގޮތަށް ނިންމި ނަމަވެސް މިހާރު ޕީއެންސީއިން ވަނީ ތާރީހު ތިން ވަނަ ފަހަރަށް ބަދަލުކޮށް މިމަހުގެ 27 ވަނަ ދުވަހަށް ބާއްވާކަން ކެންޑިޑޭޓުންނަށް އަންގާފައެވެ.
އެމްޑީޕީގެ ޕްރައިމަރީ ބާއްވާ ގޮތަށް ކުރިން ހަމަޖެހިފައި އޮތީ މިމަހުގެ 26 އަދި 27 ވަނަ ދުވަހު އެވެ. ނަމަވެސް އެމްޑީޕީން ވަނީ އެ ޕާޓީގެ ޕްރައިމަރީ ފެބުރުއަރީ ތިންވަނަ ދުވަހަށް ފަސްކޮށްފައެެވެ.
ރައްޔިތުންގެ މަޖިލީހުގެ އިންތިހާބު ބޭއްވުމަށް ހަމަޖެހިފައި އޮތީ މާރޗް 17 ގައެވެ. އިންތިހާބުގައި ވާދަ ކުރުމުގެ ފޯމު ހުށައެޅުން 30 ޖެނުއަރީގައި ހުޅުވާލާއިރު، ބުރުއަރީ 14 ގެ ނިޔަލަށް ފޯމް ހުށައެޅޭނެއެވެ.