އިލެކްޝަންސް ކޮމިޝަނުގެ ހުސްވެފައިވާ މެމްބަރުކަމަށް އެ ކޮމިޝަނުގެ ސެކޭޓްރީ ޖެނެރަލްގެ މަގާމު އަދާކުރަމުން ދިޔަ ހަސަން ޒަކަރިއްޔާ އައްޔަނުކޮށްފި އެވެ.
އީސީގެ މެމްބަރުކަމަށް ޒަކަރިއްޔާ އައްޔަނުކޮށްފައި ވަނީ ގާނޫނުއަސާސީގެ 168 ވަނަ މާއްދާގެ (ށ) އާއި އިލެކްޝަންސް ކޮމިޝަނުގެ ގާނޫނުގެ 04 ވަނަ މާއްދާގެ (ހ) ގައިވާގޮތުގެ މަތީންނެވެ.
ޒަކަރިއްޔާ ކޮމިޝަނުގެ މެމްބަރުކަމަށް އައްޔަނު ކުރިކަމުގެ ލިއުން ހަވާލު ކުރެއްވީ އެކަމަށްޓަކައި ހާއްސަކޮށް މިއަދު ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތުގައި ރައީސް ޑރ. މުހަައްމަދު މުއިއްޒެވެ.
ލިއުން ހަވާލު ކުރުމުގެ ކުރިން ޒަކަރިއްޔާ ވަނީ އީސީގެ މެމްބަރުކަމުގެ ހުވައި ކުރައްވާ އިގުރާރުގައި ސޮއި ކުރައްވާފަ އެވެ.
އީސީއަށް ޒަކަރިއްޔާ އައްޔަނު ކުރުމަށް މަޖިލީހަށް ފޮނުއްވީ ރައީސް މުއިއްޒެވެ. ކޮމިޝަނުގެ މަގާމަށް ހުސްވެފައި ވަނީ، އެ މަގާމުގައި ހުންނެވި އިސްމާއިލް ހަބީބްގެ ދައުރު ހަމަވުމުންނެވެ. ދެ ދައުރު ފުރިހަމަކޮށް، އީސީގައި ހޭދަ ކުރި ގިނަ އަހަރުތަކަށް ފަހު ހަބީބް ވަނީ ރިޓަޔަރ ވެސް ކުރައްވާފަ އެވެ.
advertisment