ބާރަށު ދާއިރާގެ މެންބަރުކަމަށް ޝުޖާއު!

ރައްޔިތުންގެ މަޖިލީހުގެ ބާރަށު ދާއިރާގެ މެމްބަރުކަން ޕީއެންސީގެ ކެންޑިޑޭޓު އިބްރާހިމް ޝުޖާއު ކާމިޔާބުކުރައްވައިފިއެވެ.

20 ވަނަ މަޖިލީހުގެ އިންތިހާބުގައި ބާރަށު ދާއިރާއަށް ވާދަކުރެއްވި 3 ކެންޑިޑޭޓުންގެ ތެރެއިން ޕީއެންސީގެ ޝުޖާއު ވަނީ 957 ވޯޓު ކާމިޔާބުކުރައްވާފައެވެ. އަދި އެމްޑީޕީގެ ފަރާތުން ވާދަކުރެއްވި އަލީ އަޝްގަރަށް 133 ވޯޓު ލިބުނުއިރު މި ދާއިރާއަށް އަމިއްލަ ގޮތުންވެސް ކެންޑިޑޭޓަކު ވާދަކުރެއްވިއެވެ.

މި އިންތިހާބުގައި 93 ދާއިރާއަކަށް 368 ކެންޑިޑޭޓަކު ވާދަކުރެއްވިއިރު 284،663 މީހަކަށް ވޯޓު އެޅުމުގެ ހައްގު ލިބިގެންވެއެވެ. އިލެކްޝަންސްއިން އެންމެ ފަހުން ހާމަކުރި ތަަފާސް ހިސާބުތަކުން ދައްކާގޮތުން ވޯޓުލާފައިވަނީ 207،693 މީހުނެނެވެ. މިއީ ޖުމުލައިގެ 72.96 އިންސައްތަކަން ފާހަގަކުރެވެއެވެ. 76،000 މީހަކު އިންތިހާބުގައި ވޯޓު ލެއްވުމުގެ ހައްގުގެ ބޭނުންކުރައްވާފައިނުވެއެެވެ.