ބިދޭސީން ދިރިއުޅޭ ތަނަކަށް އިމިގްރޭޝަންގެ އޮފިސަރުންގެ ނަމުގައި ތިން މީހަކު ވަދެ، ބިދޭސީއެއްގެ އަތުން ފޭރުނު މައްސަލަ ބަލަން ފަށައިފިއެވެ.
އިމިގްރޭޝަންގެ އޮފިސަރުންގެ ނަމުގައި ވަދެ އެ ބިދޭސީ މީހާގެ އަތުން 9،000 ރުފިޔާ ފޭރިފައިވާއިުރ، މޯބައިލް ފޯނެއްވެސް ނަގާފައިވެއެވެ. މިކަން ފުލުހުންނަށް ރިޕޯޓު ކޮށްފައިވަނީ 16 ސެޕްޓެމްބަރުގައެވެ.
މިހާރު މި މައްސަލައިގައި އެކަކު ވަނީ ހައްޔަރުކޮށްފައެވެ. ހައްރުކޮށްފައިވަނީ އުމުރުން 44 އަހަރުގެ މާލެ ގ. ބެރުގެ މުހައްމަދު ނަވީންއެވެ. އޭނާ ހައްޔަރުކުރީ ކޯޓު އަމުރެއްގެ ދަށުންނެވެ.
މި މައްސަލައާއި ގުޅިގެން ފުލުހުން އިތުރަށް ބުނީ މައްސަލަ ތަހުގީގު ކުރަމުންދާކަމަށެވެ.
މިކަން ހިންގާފައި މިވަނީ އިމިގްރޭޝަންއިން ނުގަވާއިދުން އުޅޭ ބިދޭސީއިންނާއި ދެކޮޅަށް ބޮޑު އޮޕަރޭޝަންއެއްވެސް ހިންގަމުންދާ ދަނޑިވަޅެއްގައެވެ.
