ފުޓްބޯޅަ އެސޯސީއޭޝަން އޮފް މޯލްޑިވްސް(އެފްއޭއެމް) އިން ރާއްޖޭގެ ކޮންމެ ރަށަކަށް ބޯޅަ ބަހަން ފަށައިފިއެވެ.
ބޯޅަ ބެހުމުގެ މަސައްކަތް ފަށާފައިވަނީ މިދިޔަ ހަފްތާގެ ތެރޭގައެވެ. އެގޮތުން ކޮންމެ ރަށަކަށް 10 ބޯޅަ ހަދިޔާކުރުމަށް އެފްއޭއެމް އިން ވަނީ ނިންމާފައެވެ.
މި ބޯޅަތަކަކީ މިއަހަރު ބޭއްވުމަށް ނިންމި މިނިވަން ޗެމްޕިއަންޝިޕްް ފުޓްބޯޅަ މުބާރާތަށް ގެނައި ބޯޅަތަކެއް ކަމަށްވާއިރު މިފަހަރު އެ މުބާރާތް ބޭއްވޭ ގޮތް ނުވުމުން އެފްއޭއެމް އާއި ޔޫތް މިނިސްޓްރީން ނިންމީ ކޮންމެ ރަށަކަށް ހަމަހަމަ އުސޫލަކުން ބޯޅަތައް ހަދިޔާކުރުމަށެވެ.
އެގޮތުން ބޯޅަ ހަދިޔާކުރުމަށް ނިންމާފައިވަނީ އެކި ދާއިރާތަކުގެ މަޖިލިސް މެންބަރު މެދުވެރިކޮށެވެ.
އެގޮތުން އައްޑޫ ސިޓީ މީދޫ އާއި މަރަދޫ ފޭދޫ އަށް ވީ ފުޓްބޯޅަތައް ނަގާފައިވާ ކަމަށް، އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް މިއަދު ވަނީ ވިދާޅުވެފައެވެ.
ރޮޒެއިނާ މިއަދު ކުރެއްވި ޓްވީޓެއްގައި ވިދާޅުވީ މީދޫ އާއި މަރަދޫފޭދޫ އަށް އެފްއޭއެމް އިން ހަދިޔާކުރި ބޯޅަތައް ނަގާފައިވާ ކަމަށާއި މި ބޯޅަތައް ދެ އަވަށުގެ އަވަށު އޮފީހަށް ފޮނުވާނެ ކަމަށެވެ.
Meedhoo adhi Maradhoofeydhoo ah FAM in hadhiya kuri boalha thah nagaifin. Mi boalha thah 2 avashuge avashu ofeehah fonuvaanan.
Shukuriyya @MaldivesFA @AhmedMahloof pic.twitter.com/oPUl05PcMC— ???????? ???????????????????????????? ???????????????? ???? (@Roxeyna) September 20, 2020
މީގެ އިތުރުން ކ. އަތޮޅުގެ ނުވަ ރަށަކަށް ވެސް މިއަދު ވަނީ ބޯޅަ ފޮނުވާފައެވެ. އެގޮތުން ކ. އަތޮޅު ކައުންސިލްގެ ރައީސް އަލީ ޝަހީން ހުސައިން ވިދާޅުވީ އެފްއޭއެމް އިން ކ. އަތޮޅުގެ ނުވަ ރަށަށް، ކޮންމެ ރަށަކައް 10 ފުޓްބޯޅަ މިއަދު ލިބިފައިވާ ކަމަށެވެ.
“ޝުކުރިއްޔާ ޔޫތު މިނިސްޓަރ މަޙްލޫފް އަދި އެފްއޭއެމްގެ ރައީސް ބައްސާމް އަދި ހީވާގި މުވައްޒަފުން.” ޝަހީމް ވިދާޅުވިއެވެ.
އެފް. އޭ. އެމް އިން ކ. އަތޮޅުގެ 9 ރަށައް (ކޮންމެ ރަށަކައް 10 ފުޓްބޯޅަ) މިއަދު ލިބިއްޖެ..
ޝުކުރިއްޔާ ޔޫތު މިނިސްޓަރ މަޙްލޫފް އަދި އެފް. އޭ. އެމްގެ ރައީސް ބައްސާމް އަދި ހީވާގި މުވައްޒަފުން @MaldivesFA @MoYSCEmv @MDPYouth pic.twitter.com/isTxO2ccnK— Ali Shaheen Hussain (@KaafuRaees) September 20, 2020
advertisment