ރާއްޖޭގައި އުޅޭ ބަންގްލަދޭޝް ރައްޔިތުންނަށް ރައްކާތެރިކަން ފޯރުކޮށްދެއްވާނެ ކަމުގެ ޔަގީންކަން ރައީސް އިބްރާހިމް މުހައްމަދު ސޯލިހު، ބަންގްލަދޭޝްގެ ފޮރިން މިނިސްޓަރު ޑރ. އޭ. ކޭ. ޢަބްދުލް މޮމެން އަށް ދެއްވައިފިއެވެ.
މި ޔަގީންކަން ރައީސް ދެއްވީ ބަންގްލަދޭޝްގެ ފޮރިން މިނިސްޓަރާއެކު އެގައުމުގެ އިންޓަރ ކޮންޓިނެންޓަލް ހޮޓަލުގައި ބޭއްވި ބައްދަލުކުރެއްވުމުގައެވެ.
މި ބައްދަލުކުރެއްވުމުގައި ވާހަކަދައްކަވަމުން ރައީސް ވަނީ ބަންގްލަދޭޝްގެ ސަރުކާރުން އެކި ގޮތްގޮތުން ރާއްޖެއަށް ވެދެއްވަމުން ގެންދަވާ އެހީތެރިކަން ފާހަގަކުރައްވާ، އަދި ވަކިން ހާއްސަކޮށް ކޮވިޑް-19 އާއި ގުޅިގެން ފޯރުކޮށްދެއްވި ދީލަތި އެހީތެރިކަން ފާހަގަކުރައްވާ އެކަމަށްޓަކައި ބަންގްލަދޭޝް ސަރުކާރަށް ޝުކުރު އަދާކުރައްވާފައެވެ.
އަދި ރާއްޖޭގައި ދިރިއުޅޭ ބަންގްލަދޭޝް ރައްޔިތުންގެ ދުޅަހެޔޮކަމަށާއި، ރައްކާތެރިކަން މި ސަރުކާރުން ފޯރުކޮށްދޭނެކަމުގެ ޔަޤީންކަން ވެސް ރައީސް ވަނީ އަރުވާފައެވެ.
advertisment