އައްޑޫ ސިޓީ ތަރައްޤީ ކުރުމަށް ”ހައި ޖަމްޕެއް“ ޖަހާއިރު އަނގަވަތަށް ޖެހުނަސް ފަހަތަށް ނުޖެހޭނެ ކަމަށް އިކޮނަމިކް މިނިސްޓަރ ފައްޔާޒް އިސްމާއިލް ވިދާޅުވެއްޖެއެވެ.
މިނިސްޓަރ ފައްޔާޒް މިހެން ވިދާޅުވީ މަސައްކަތް ކުރަމުންދަނީ އައްޑޫ އަށް ހައި ޖަމްޕެއް ޖެހޭތޯ ކަމަށާއި މާލެ ނެގުމަށްފަހު ދެން އެންމެ ބޮޑަށް ތަރައްގީ ވެފައި އޮތީ އައްޑޫ ކަމަށްވާއިރު އެންމެ ބޮޑު ބަދަލެއް އެންމެ އަވަހަށް ގެނެވޭނެ ތަނަކަށް އޮތީ އައްޑޫ ކަމަށް އޭނާ ވިދާޅުވުމުން އޮންލައިން ވެބްސައިޓެއްގައި އޮތް ލިޔުމަކަށް އިޝާރާތްކޮށެވެ.
ފައްޔާޒު ވިދާޅުވީ ލެޑިދާނެ ކަމަށް ފަހަތަށް ޖެހުމަކީ އޭނާ ދަންނަ ކަމެއް ނޫން ކަމަށާއި އޮބްޖެކްޓިކް ހާސިލުކުރުމަށް ރިސްކު ނަގަމުންދާނެ ކަމަށެވެ.
”ލެޑިވެސްދާނެ ފަހަރުގައި. ފޮޅާލާފައި ތެދުވެވިއްޖެއްޔާ އަނެއްކާވެސް ޖަމްޕަށް ޓްރައި ކުރާނަން“ ފައްޔާޒު ވިދާޅުވިއެވެ.
