ހިޔާ މަޝްރޫއުގެ ދަށުން ހުޅުމާލޭގައި އަޅާފައިވާ ފްލެޓްތަކުގެ އެގްރިމެންޓްގައި ސޮއި ކުރުން ދެން ފަށާނީ އަންނަ އާދީއްތަ ދުވަހު ކަމަށް އެޗްޑީސީއިން ބުނެފި އެވެ.
އެޗްޑީސީން މީގެ ކުރިން ބުނެފައިވަނީ، އީދު ބަންދަށް މެދުކަނޑާލުމަށްފަހު އެގްރިމެންޓްތަކުގައި ދެން ސޮއި ކުރަން ފަށާނީ މިމަހުގެ 24 ވަނަ ދުވަހުކަމަށެވެ.
ނަމަވެސް އެ ކޯޕަރޭޝަނުން މިއަދު ބުނީ އެ ދުވަހަކީ ބޮޑު އީދުގެ ފަހު ދުވަސް ކަމުން ސޮއި ކުރުން ކުރިއަށް ގެންދާނީ މި މަހުގެ 25 ވަނަ ދުވަހުން ފެށިގެން ކަމަށެވެ.
އެގްރިމެންޓްގައި ސޮއި ކުރަން ފަށާފައި ވަނީ މި މަހުގެ 14 ވަނަ ދުވަހު އެވެ. ސޮއިކުރާ ދުވަހު ފްލެޓްތަކުގެ ތަޅުދަނޑި ވެސް ހަވާލުކުރެ އެވެ.
advertisment