އިންސާފު ހޯދަން އިދިކޮޅު ޕީޕީއެމް/ޕީއެންސީ ކޯލިޝަނުން މަގުމަތީގެ ހަރަކާތެއް ބޭއްވުމަށް ނިންމައިފިއެވެ.
އިދިކޮޅު ކޯލިޝަނުން އިއްޔެ ބޭއްވި ނޫސްވެރިންގެ ބައްދަލްވުމެއްގައި ޕީއެންސީގެ ނާއިބު ރައީސް އަދި އިދިކޮޅު ކޯލިޝަންގެ އެކްޓިވިޓީ ކޮމެޓީގެ ރައީސް އިބްރާހިމް ޝުޖާއު ވިދާޅުވީ ހުކުރު ދުވަހު މަގުމައްޗަށް ނިކުންނަން ނިންމީ އިންސާފު ގެއްލިފައިވާތީ އިންސާފު ހޯދުމަށް ކަމަށެވެ.
އިންސާފު ހޯދަން” ގެ ނަމުގައި ބާއްވާ މި ހަރަކާތް އޮންނާނީ އަންނަ ހުކުރު ދުވަހުގެ ހަވީރު 4 އިން 6 އަށް މާލެ އާއި އަތޮޅުތެރޭގައެވެ.
މި ހަރަކާތް ކުރިއަށް ގެންދަން މާލޭ ސިޓީ ކައުންސިލުން އިދިކޮޅަށް ހުއްދަ ދީފައިވާއިރު، މި ހަރަކާތުގެސަލާމަތީ ކަންކަން ކަށަވަރުކޮށްދިނުމަށް އިދިކޮޅުން މިހާރު ވަނީ ފުލުހުންގެ ކިބައިން އެދިފައެވެ.