މަޑިވަރު އެއާޕޯޓަށް ޓެސްޓު ފްލައިޓު ޖައްސައިފި

ޅ. އަތޮޅު މަޑިވަރުގައި ތަރައްގީކުރި ޑޮމެސްޓިކް އެއާޕޯޓަށް ޓެސްޓު ފްލައިޓު މިއަދު ޖައްސައިފިއެވެ.

އެ އެއާޕޯޓަށް ޓެސްޓް ފުލައިޓް ޖައްސާފައި ވަނީ މިއަދު ހެނދުނު 09:50 ހާއިރު އެވެ. އެއާޕޯޓްގައި ޖައްސާފައިވަނީ މޯލްޑިވިއަންގެ ފްލައިޓެކެވެ.

މަޑިވަރުގައި އެއާޕޯޓެއް ތަރައްގީކުރީ ޗަމްޕާ ކުންފުނީގެ ދަށުން ހިންގާ ކުރެއްދޫ ހޯލްޑިންގްސްގެ ފަރާތުންނެވެ. ޖުމްލަ 170 މިލިއަން ރުފިޔާ ހަރަދުކޮށްގެން ތަރައްގީކުރި މި އެއާޕޯޓުގައި 1.2 ކިލޯމީޓަރުގެ ރަންވޭއެއް ހުރެއެވެ. އެ އެއާޕޯޓަށް އެންމެ ފުރަތަމަ ޖެއްސީ މޯލްޑިވިއަން އެއާލައިންގެ ފްލައިޓެކެވެ. ޓެސްޓު ފްލައިޓު ޖެއްސުމުގެ ރަސްމިއްޔާތު އޮތީ ހެނދުނު 9:50 ގައެވެ.