ސަންގުން ދޮގެއް ނަހަދާނެ

ކުއްލި ޚަބަރު

ފީނާ ގެ ރައީސް ނައިބުރައީސްގެ އަރިހަށް އިހްތިރާމުގެ ޒިޔާރަތެއް ކުރައްވައިފި

ނައިބު ރައީސް ފައިސަލް ނަސީމް ފިނޭގެ ރައީސް ހުސައިން އަލް މުސައްލަމް އާއި އެކު
ޝެއާރކޮށްލާ ކަހަލަދޯ؟

ފެޑެރޭޝަން އިންޓަރނޭޝަނަލް ޑި ނެޓޭޝަން (ފީނާ)ގެ ރައީސް ޙުޞައިން އަލް މުސައްލަމް، ރައީސުލްޖުމްހޫރިއްޔާގެ ނައިބު ފައިޞަލް ނަސީމުގެ އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ.

މި ބައްދަލުކުރެއްވުން އޮތީ އިއްޔެ މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ.

ފީނާ އަކީ ބައިނަލްއަޤްވާމީ މުބާރާތްތައް ބާއްވައި ފެތުމާއި އެނޫންވެސް ފެނުގައި ބާއްވާ ކުޅިވަރުތައް ތަރައްޤީކޮށް ކުރިއަރުވަން މަސައްކަތްކުރާ ބައިނަލްއަޤްވާމީ ޖަމުޢިއްޔާއެކެވެ.

މި ބައްދަލުކުރެއްވުމުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާގެ ނައިބު ވަނީ ފީނާގެ ރައީސް ރާއްޖެ ވަޑައިގެންނެވި ފުރަތަމަ ފަހަރުކަން ފާހަގަކުރައްވާފައެވެ. އަދި އެމަނިކުފާނު ވަނީ ރާއްޖޭގެ އެތުލީޓުންނަށް ބޭނުންވާ ވަޞީލަތްތައް ތަރައްޤީކުރުމާއި އިތުރު ތަމްރީނުގެ ފުރުޞަތުތައް ބޭނުންވާކަން ފާހަގަކުރައްވާފައެވެ.

މި ބައްދަލުކުރެއްވުމުގައި ފީނާގެ ރައީސް ދެއްކެވި ވާހަކަފުޅުގައި ރާއްޖެއަކީ ވަށައިގެން ކަނޑު އެކުލެވޭ ޤައުމެއްކަމުގައިވާތީ މުޅި ރާއްޖޭގައި މޫދު ކުޅިވަރުތައް ކުރިއެރުވުމާއި ފެތުމުގެ ޕްރޮގްރާމްތައް މުޅި ޤައުމުގައި ހިންގުމުގެ މުހިންމުކަން ފާހަގަކުރެއްވިއެވެ. މީގެ އިތުރުން ފީނާގެ ރައީސް ވަނީ ރާއްޖޭގައި ފެތުމާއި އެނޫންވެސް މޫދުކުޅިވަރުތައް ތަރައްޤީކުރުމަށް ޓެކްނިކަލް އެހީތެރިކަން ފޯރުކޮށްދިނުމާއި ތަމްރީނުގެ ފުރުޞަތުތައް ފަހިކޮށްދިނުމަށް ޝައުޤުވެރިކަން ފާޅުކުރައްވާފައެވެ. އަދި ރާއްޖޭގެ އެތުލީޓުން ތަމްރީނުކުރުމުގައި ފީނާ އިން އެހީތެރިކަން ފޯރުކޮށްދެއްވަމުން ގެންދަވާނެކަމުގައި ވެސް ފީނާގެ ރައީސް ވިދާޅުވިއެވެ.

ރައީސުލްޖުމްހޫރިއްޔާގެ ނައިބާ ފީނާގެ ރައީސް ވަނީ ރާއްޖޭގައި ސްޕޯޓްސް ޓުއަރިޒަމް ކުރިއެރުވުމާއި ބައިނަލްއަޤްވާމީ އޯޕަންވޯޓަރ ސްޕޯރޓިންގ ހަރަކާތެއް ކުރިޔަށްގެންދިއުމާއި ގުޅޭގޮތުން ވެސް މަޝްވަރާކުރައްވާފައެވެ. މި ބައްދަލުކުރެއްވުން ނިންމަވާލައްވަމުން ރައީސުލްޖުމްހޫރިއްޔާގެ ނައިބު ވަނީ ރާއްޖޭގައި މޫދު ކުޅިވަރުތައް ތަރަޢްޤީކުރުމުގައި ފީނާއިން ލިބޭ އެއްބާރުލުމާއި އެހީތެރިކަން ޝުކުރުވެރިކަމާއެކު ފާހަގަކުރައްވާފައެވެ.

ވަރަށް ގަދަ
0%ވަރަށް ގަދަ 0%ވަރަށް ގަޔާވޭ 0%ބޮޑު ޖޯކެއް 0%ހައިރާންވެއްޖެ 0%ވަރަށް ދެރަ 0%ރުޅިގަދަ ވަނީ
ލިޔުން ކިޔާލެވިއްޖެ ދޯ! ކޮބާ ޚިޔާލަކީ؟

ހިޔާލު ދެއްވާ!

Your email address will not be published. Required fields are marked *

ގުޅުންހުރި ލިޔުންތައް
ސަންގު ޓީވީގެ ހާއްސަ ޕްރޮގްރާމްތަކުގެ ތެރޭގައި: