ޕީޕީއެމް އިން އަދާލަތު ޕާޓީގެ މައްޗަށް ކޮށްފައިވާ، ދަފްތަރުން މެމްބަރުން “ވައްކަން” ކުރިކަމުގެ ތުހުމަތުތައް އެ ޕާޓީއިން ދޮގުކޮށްފިއެވެ.
ޕީޕީއެމްގެ މެމްބަރުންތަކެއް އަދާލަތު ޕާޓީގެ ދަފްތަރުގައި އޮޅުވާލައިގެން ހިމަނާފައިވާ މައްސަލައެއް ފެންމަތިވުމާއި ގުޅިގެން މިއަދު އެ ޕާޓީއިން ޓްވިޓާރ މެދުވެރިކޮށް ބުނެފައިވަނީ ޕާޓީގެ މެމްބަރުންގެ ގޮތުގައި ރަޖިސްޓްރީ ކުރުމަށް ހުށައަޅާ ފޯމުތައް އިލެކްޝަންސް ކޮމިޝަން އާއި އެ ފަރާތުން ހަވާލުކުރުމުގެ ކުރިން ޕާޓީތަކުގެ ގަވާއިދުތަކުގައި ވާގޮތަކުގެ މަތިން ބަލައި ފާސްކޮށް އެންމެހައި އިޖުރާއަތުތައް ފުރިހަމަ ކުރެވިފައިވާނެކަމަށެވެ.
Adhaalath Party ge dhaftharugai nan himenumah edhi party ah libey enmehai form eh elections comission ah hushahalhamun annanee siyaasee party thakuge qaanoonaai qavaidhaa ehgoiy vaa gothuge mathin furihama kuran jehey enmehai ijuraa atheh furihama kurumah fahueve. 1/2
— Adhaalath Party (@AdhaalathOffice) April 28, 2022
މީގެ އިތުރުން އަދާލަތު ޕާޓީއިން މިއަދު ކޮށްފައިވާ ޓްވީޓްގައި ވަނީ ހުށައެޅޭ ފޯމުތަކުގެ ސައްހަކަމާއި މެދު ސުވާލު އުފެދޭ ހާލަތުގައި އަދި ޕާޓީގެ ދަފްތަރުން އެއްވެސް ފަރާތެއްގެ ނަން އުނިކުރުމަަށް އެފަރާތަކުން އެދިއްޖެނަމަ މިހާރުވެސް އެ ހާލަތްތަކުގައި އެކަން ޕާޓީއިން ކުރަމުންދާ ކަމަށެވެ.
Mi party ah libey form eh eii sahha noon form eh kan engijje nama nuvatha evves faraathakun efaraathehge nan uni kurumah hushahalhuvvaifinama efaraathehge nan mi party ge dhaftharun mihaaruves annanee unikuramunneve. 2/2
— Adhaalath Party (@AdhaalathOffice) April 28, 2022
އަދާލަތު ޕާޓއިން މިހެން ބުނެފައިވާ ހިންދު އިއްޔެ ޕީޕީއެމް އިން އާއްމުކޮށްފައިވާ ވީޑީއޯގައި އެ ޕާޓީގެ މެމްބަރެއް ކަމުގައި ބުނާ މީހަކު އަދާލަތު ޕާޓީގެ ދަފްތަރުގައި ނަން އޮތުމުގެ ސަބަބުން އެ މައްސަލަ ޝަރީއަތަށް ގެންދާނެކަމަށް ބުނެފައިވާކަން ފާހަގަކޮށްލެއެވެ. އަދި އެމީހާ އަތުގައި “ވަގަށް” އިލެކްޝަންސް ކޮމިޝަަން އަށް ހުށައަޅާފައިވާ ކަމަށް ބުނާ ފޯމުވެސް ގެންގުޅޭތަން ފެނެއެވެ.
ޕީޕީއެމްއަށް ސޮއިކޮށްފައިވާ އާއިލާއެއް އަދާލަތު ޕާޓީއަށް އެފަރާތްތަކަށް ނޭނގި ވައްދާފައިވާތީ އެ ޢާއިލާގެ ފަރާތުން މިމައްސަލަވަނީ ޕީޕީއެމަށް ހުށައަޅާފައި. އަދާލަތުން ހުށައަޅާފައިވާ ފޯމުގައި ގުޅޭނެ ކަމަށް ބުނެފައިވަނީ ރަޖިސްޓްރީ ކޮށްފައިވާ ނަމްބަރެއް ނޫން. 1/3 pic.twitter.com/l3Kx6YGy3G
— Progressive Party of Maldives (@ProgressPartyMV) April 28, 2022
މީގެ އިތުރުން ޕީއެންސީގެ ނައިބުރައީސް ޝުޖާއު ވެސްވަނީ މިމައްސަލައިގައި ހިމެނޭ ފޯމު ބައްލަވައި ފާސްކޮށް ޖަހާފައިވާ އިންގިލީގެ ނިށާން އަދި ހެކިވެރިން ގޮތުގައި ހިމަނާފައިވާ މީހުންގެ މައުލޫމާތު ސައްހަ ނޫންކަމަށް ވިދާޅުވެ އެކަން ކުށްވެރި ކުރަށްވައި މިއަމަލުތައް ހިންގުމުގައި ބައިވެރި ވި ފަރާތްތަައް ހޯދައި ޝަރުއީ މަގުން އިންސާފު ހޯދާނެކަމަށްވެސް ވިދާޅުވެފައިވެއެވެ.
ޕީޕީއެމް ގެ އާއިލާއެއް ވަގަށް @AdhaalathOffice ވެއްދިކަމުގެ ޝަކުވާއެއް މިއަދުވެސް ލިބިއްޖެ.ވެއްދި ފޯމްގައި ޖަހާފައިވާ ފޯނު ނަމްބަރަކީ ވުޖޫދުގައިވެސް ނެތް ނަމްބަރެއް.އިނގިލީގެ ނިޝާން ދިމާނުވޭ.ހީވަނީ ފައިގެ ބޮޑުވާ އިނގިލީގެ ނިޝާނެއްހެން.1/3 pic.twitter.com/2T1wBzaGKJ
— Ibrahim Shujau (@IbrahimShujaau) April 28, 2022
މީގެ ކުރިންވެސް ޕީޕީއެމް އިން ވަނީ 2021 ވަނަ އަހަރު އޮކްޓޯބަރު މަހުން ފެށިގެން އެ ޕާޓީގެ 5000 ވަރަކަށް މެމްބަރުން އެހެނިހެން ދަފްތަރުތަކުގައި ޖައްސާފައިވާކަމަށް ބުނެ އެލެކްޝަންސް ކޮމިޝަންއިން އެ މައްސަަލަ ބަލައި އެ އެމަލުތައް ހިންގުމުގައި ބައިވެރިވެފައިވާ ފަރާތްތައް ޖޫރިމަނާކޮށް ފިޔަވަޅުއަޅައި ދިނުމަށް އެދިފައިއެވެ.
advertisment