ޑޮލަރުގެ އަގު 17 ރުފިޔާ އަށް މަތިކުރަން ވިދާޅުނުވާ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ އެކްސްޗޭންޖް ރޭޓް ފްލޯޓް ކުރުން މުހިއްމު ކަމަށް ދެކެވަޑައިގަންނަވާ ކަމަށާއި އެހެން ހެދުމުން ޑޮލަރުގެ އަގު ހަމަ އަގަށް ބަދަލުވެ ބްލެކް މާކެޓް ނެތިގެން ދާނެ ކަމަށެވެ.
ރައީސް ނަޝީދު އިތުރަށް ވިދާޅުވީ އެ ހަމަ އަގަކީ 17 ރުފިޔާއަށް ވުމަކީ އެކަށީގެންވާ ކަމެއް ކަމަށެވެ.
Alhugadu bunee $ ge agu 17/- ah nagaakah noon. Alhugadu bunee exchange rate float kurun muhinmu kamah. Ehen hedhumun $ hama agah badhaluve black market netheyne kamah. Ehama agakee 17/- ah vumee ekasheegenvaa kameh kamah.
— Mohamed Nasheed (@MohamedNasheed) September 19, 2022
ރައީސް ނަޝީދު އެގޮތަށް ވިދާޅުވެފައިވަނީ އެމަނިކުފާނު އައްޑޫ އަށް ކުރެއްވި ދަތުރުފުޅުގައި މަރަދޫގެ ރައްޔިތުންގެ ތެރެއިން ބަޔަކާ ވާހަކަދައްކަވައި ދެއްކެވި ވާހަކަފުޅަކާއި ގުޅިގެންނެވެ.
”ޑޮލަރު ބްލެކް މާކެޓްގައި ވިއްކުނީމާ ދެން ވާގޮތަކީ އެއިން ބޮޑު ފައިދާއެއް އެބަ ނެގޭ. އެހެންވީމަ އެކަމުގައި ކޮންޓްރޯލަށް އަނެއްކާ ވެސް އަޅުގަނޑަށް ފެންނަނީ ކަރަންސީ ފްލޯޓް ކުރަން. އެ ގޮސް އެ ހަގީގީ އަގެއްގައި އެ ހުންނަތަނެއްގައި ހުންނަން،“ ނަޝީދު
”ބޭންކުންވެސް 17 ރުފިޔާއަށް ގަނެވިއްކަން ހަދައިފިއްޔާ ދެން ހުރިހާ އެންމެން ވެސް އެއް އަގެއްގައި މިކަން ކުރަން ފަށައިފިއްޔާ އަޅުގަނޑު ދެކޭ ގޮތުގައި އެކަން (ޑޮލަރުގެ ދަތިކަން) ހައްލު ވާނެ،“ ރައީސް ނަޝީދު
