ސިނާއީ ގިނަ މަސައްކަތްތަކެއް ކުރެވެމުންދާ ކ ތިލަފުށީގެ ޖަނެރޭޓިން ކެޕޭސިޓީ އިތުރުކުރުމަށްޓަކައި އާ ޖަނަރޭޓިން ސެޓެއް ބަހައްޓައިފިކަމަށް ތިލަފުއްޓަށް ކަރަންޓުގެ ހިދުމަތް ފޯރުކޮށްދެމުން އަންނަ ސްޓެލްކޯއިން ބުނެފިއެވެ.
މިކަން ހާމަކޮށް ސްޓެލްކޯއިން ކޮށްފައިވާ ޓުވީޓެއްގައި ބުނެފައިވަނީ ސިނާއީ ގިނަ މަސައްކަތްތަކެއް ކުރެވެމުންދާ ކ. ތިލަފުށީގެ ޖަނެރޭޓިންގ ކެޕޭސިޓީ އިތުރުކުރުމަށްޓަކައި، 800 ވ ގެ އައު ޖަނަރޭޓަރުސެޓެއް ބަހައްޓައިފައިވާކަމަށެވެ. އަދި މިހާރު ވަނީ ކޮމިޝަންކޮށް ހިދުމަތްދޭން ފަށާފައިކަމަށް ސްޓެލްކޯއިން ބުނެފައިވެއެވެ.
ސިނާއީ ގިނަ މަސައްކަތްތަކެއް ކުރެވެމުންދާ ކ. ތިލަފުށީގެ ޖަނެރޭޓިންގ ކެޕޭސިޓީ އިތުރުކުރުމަށްޓަކައި، 800kW ގެ އައު ޖަނަރޭޓަރުސެޓެއް ބެހެއްޓި މިހާރު ވަނީ ކޮމިޝަންކޮށް ހިދުމަތްދޭން ފަށާފައި. މި ޖަނަރޭޓަރު ސެޓާއި އެކީ ތިލަފުށީގެ ޖުމްލަ ކެޕޭސިޓީ ވަނީ 3.4 މެގަވޮޓަށް އިތުރު ކުރެވިފައި. pic.twitter.com/avXgVnGFST
— STELCO (@STELCOMALDIVES) October 21, 2022
ސްޓެލްކޯއިން ބުނެފައިވާ ގޮތުގައި މި ޖަނަރޭޓަރު ސެޓާއި އެކީ ތިލަފުށީގެ ޖުމްލަ ކެޕޭސިޓީ ވަނީ 3.4 މެގަވޮޓަށް އިތުރު ކުރެވިފައިކަމަށެވެ.
މީގެ ކުރިން އެރަށުގައި ކަރަންޓުގެ ހިދުމަތްދީފައިވަނީ ފަސް ޖަނަރޭޓަރު ބަހައްޓައިގެންނެވެ. އޭގެ ތެރޭގައި 400 ކިލޯވޮޓުގެ 2 ޖަނަރޭޓަރާއި 1000 ކިލޯވޮޓުގެ ޖަނަރޭޓަރެއްގެ އިތުރުން 800 ކިލޯވޮޓުގެ ޖަނަރޭޓަރެއް ހިމެނެއެވެ.
advertisment