ހުޅުމާލެ ދެވަނަ ފިޔަވަހީގައި މެޑިކަލް ފެސިލިޓީއެއް އެޅުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އޭޑީކޭ ހޮސްޕިޓަލާ އެކު އެއްބަސްވުމެއްގައި ސޮއިކޮށްފި އެވެ.
އޭޑީކޭގެ ފަރާތުން އެއްބަސްވުމުގައި ސޮއި ކުރެއްވީ އެ ހޮސްޕިޓަލުގެ މެނޭޖިން ޑިރެކްޓަރު އަހުމަދު އައްފާލު އެވެ. އެޗްޑީސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު އާތިފް އެވެ.
މި ހެލްތް ފެސިލިޓީގެ ކޮންސެޕްޓް ޑިވެލޮޕްކުރުމުގެ މަސައްކަތް އިއްޔެ އޭޑީކޭއިން ވަނީ ރިޔަން ޕްރައިވެޓް ލިމިޓެޑާ ހަވާލުކޮށްފަ އެވެ.
ރިޔަން ޕްރައިވެޓް ލިމިޓެޑަކީ ދިވެހި ރާއްޖޭގެ މަލްޓި ޑިސިޕްލިނަރީ ކޮންސަލްޓެންސީ ފާމެެކެވެ.
ހެލްތް ފެސިލިޓީ އެޅުމަށް ނިންމާފައިވަނީ ހުޅުމާލެ ދެވަނަ ފިޔަވަހީގެ ލޮޓު ނަންބަރު 20547 ގައެވެ.