ރައީސް އިބްރާހިމް މުހައްމަދު ސޯލިހުގެ ހާއްސަ ސިޓީއެއް، ޔުނައިޓެޑް އަރަބް އެމިރޭޓްސް (ޔޫއޭއީ) ގެ ރައީސް ޝައިޚް މުހައްމަދު ބިން ޒައިދު އަލް ނަހްޔާނަށް އަރުވައިފި އެވެ.
މި ސިޓީ ޔޫއޭއީގެ ރައީސަށް އަރުވާފައި ވަނީ، އެމަނިކުފާނުގެ ހާއްސަ މަންދޫބެއްގެ ހައިސިއްޔަތުން ފޮރިން މިނިސްޓަރު އަބްދުﷲ ޝާހިދު އެގައުމަށް ކުރައްވާ ދަތުރުފުޅުގައި، ދެބޭފުޅުން ބޭއްވި ބައްދަލުވުމެއްގަ އެވެ. މި ބައްދަލުވުވުމުގައި މިނިސްޓަރު ޝާހިދު ވަނީ، ރައީސްގެ ފަރާތުން ޔޫއޭއީގެ ސަރުކާރާއި އެގައުމުގެ ރައްޔިތުންނަށް ހެޔޮ އެދުން އަރިސް ކުރައްވާފަ އެވެ.
މިނިސްޓަރު ވަނީ ޔޫއޭއީ ރާއްޖެ ދެމެދު އޮތީ ޒަމާންވީ، ގާތް ބަދަހި ގުޅުމެއްކަން ފާހަގަކުރައްވައި، އެ ގައުމުގެ ސަރުކާރުން ވެދޭ އެހީތަކަށް ޝުކުރު އަދާކުރައްވާފަ އެވެ. ހާއްސަކޮށް އަބޫދާބީ ފަންޑުން ރާއްޖޭގެ އިޖްތިމާއީ، އަދި އިގްތިސާދީ ތަރައްގީއަށް ވެދޭ އެހީތެރިކަން ޝާހިދު ފާހަގަކުރެއްވި އެވެ.
ދެބޭފުޅުންގެ މެދުގައި ދެން މަޝްވަރާ ކުރީ، ބައިނަލްއަގުވާމީ މައިދާނުގައި އެކުގައި ގުޅިގެން މަސައްކަތް ކުރުމާއި ގުޅޭގޮތުންނެވެ.
It was an honour to meet the distinguished Foreign Minister of #UAE H.H. @ABZayed, as Special Envoy of President @ibusolih, and handover a Letter to President of #UAE H.H @MohamedBinZayed.@MoFAICUAE @ofmuae pic.twitter.com/1oDvtCBGx2
— Abdulla Shahid (@abdulla_shahid) November 26, 2022
މި ބައްދަލުވުމުގައި، މިނިސްޓަރު ޝާހިދާއި އެކު ޔޫއޭގައި ހުންނަވާ ރާއްޖޭގެ ސަފީރު އާމިނަތު ޝާބީނާ އާއި މިނިސްޓްރީގެ އިސް ބޭފުޅުން ބައިވެރިވެވަޑައިގަތެވެ.
ޔޫއޭއީގެ ދަތުރުފުޅުގައި ޝާހިދު ވަނީ އަބޫދާބީ ފަންޑް ފޯ ޑެވެލޮޕްމަންޓް ޑިރެކްޓާރ ޖެނެރަލް މުހައްމަދު އަލް ސުވައިދީ އާއި ވެސް ބައްދަލު ކުރައްވާފަ އެވެ. އަބޫދާބީ ފަންޑުން ވަނީ ކ ރާއްޖޭގެ ތެރައްގީ އާއި ގުޅުން ހުރި މަޝްރޫއުތަކާއި، ތަރައްގީގެ ޕްރޮޖެކްޓުތަކުގައި ކުރިޔަށް އޮތަނުގައި ވެސް އެހީތެރިކަން ފޯރުކޮށްދޭނެކަމުގެ ޔަގީންކަން ދެއްވާފަ އެވެ.
Redstar
advertisment