އެމްޓީސީސީ އަށް މިދިޔަ އަހަރު ލިބުނު ފައިދާ އިން ހިއްސާދާރުންނަށް ހިއްސާގެ ފައިދާ އަކަށް ތިން ރުފިޔާ ބަހަން ފާސްކޮށްފިއެވެ.
ރޭ އުމަރު ޒާހިރު ބިލްޑިންގައި ބޭއްވި އެ ކުންފުނީގެ އަހަރީ އާންމު ޖަލްސާގައި އެގޮތަށް ފާސްކޮށްފައިވަނީ ޖަލްސާގައި ބައިވެރިވި ހިއްސާދާރުންގެ %99.6 ވޯޓުންނެވެ.
އެމްޓީސީސީގެ އޭޖީއެމްގައި މިދިޔަ އަހަރުގެ ޔައުމިއްޔާސް ފާސްކޮށް، އަންނަ އަހަރަށް ކުންފުނީގެ އޮޑިޓަރެއް ވެސް ވަނީ ހަމަޖައްސާފައެވެ. އެގޮތުން ކުންފުނީގެ އޮޑިރަކަށް ހަމަޖައްސާފައިވަނީ ޑެލޮއިޓް ޕަރޓްނާސް އެވެ.
މިޖަލްސާގައި އޮންލައިންކޮށް ވެސް އަދި ޖަލްސާއަށް ހާޒިރުވެގެން ވެސް ހިއްސާދާރުން ވަނީ ބައިވެރިވެފައިވާއިރު މި ޖަލްސާގައި އާންމު ހިއްސާދާރުން ތަމްސީލްކުރާ ޑިރެކްޓަރަކަށް ހޮވާފައިވަނީ ނަޞްރަތު މުހައްމަދު އަދި މުހައްމަދު އިމްރާން އަދްނާން އެވެ.
