ދިވެހިރާއްޖޭގެ އުތުރުގެ ރަށްތަކުގައި ހައިސްޕީޑް ފެރީގެ ޚިދުމަތް ތަައާރަފް ކުރުމަށް ބޭނުންވާ 4 ފެރީއެއްގެ މަސައްކަތް ނިމި ކުންފުންޏަށް ލިބިފައިވާ ކަމަށް އެމްޓީސީސީގެ ސީއީއޯ އާދަމް އާޒިމް ވިދާޅުވެއްޖެ.
އާޒިމް ކުރެއްވި ޓްވީޓެއްގައި ވާގޮތުން މިއީ ސަރުކާރުގެ ފަރާތުން އުތުރުގައި އަލަށް ފަށާ ހައި ސްޕީޑް ޕަބްލިކް ޓްރާންސްޕޯޓް ފެރީގެ ހިދުމަތުގައި ބޭނުން ކުރާނެ ފެރީތަކެކެވެ. އެގޮތުން މި ފެރީތައް މިއަދު ހދ އަތޮޅަށް ފުރާނެ ކަމަށް އާޒިމް ވިދާޅުވިއެވެ.
The first 4 vessels needed for implementation of Public speed Ferry Network were officially handed over by @gulfcraft to @MTCCPlc today. These 4 RTL Ferries will depart to HDh. Atoll tomorrow to start route & schedule testing before RTL Ferry services officially begin. @ibusolih pic.twitter.com/frYoFc8fIf
— Adam Azim (@adamazim) January 31, 2022
ފެރީ ދަތުރުތައް ފެށުމަށް ވާންޖެހޭ ތައްޔާރީތައް ވުމުގެ ގޮތުން ހަދަންޖެހޭ ރޫޓިން އާއި ޝެޑިއުލް ޓެސްޓިންގ ވެސް ކުރިއަށް ދާނެ ކަމުގައި އާޒިމް ވަނީ ވިދާޅުވެފައެވެ.
ލާމަރުކަޒީ ނިޒާމުން އަތޮޅުތައް ގުޅުވާލުމަކީ ސަރުކާރުގެ އެންމެ ބޮޑު އަމާޒަށްވާއިރު އެމްޓީސީސީއިން އަންނަނީ އަތޮޅުތެރޭގައި ފެރީގެ ނިޒާމް ގާއިމްކޮށް ހިދުމަތް ދެމުންނެވެ. އަދި ހިދުމަތުގެ ފެންވަރު ރަނގަޅުކުރުމަށްޓަކައި ކުންފުނިން މިހާރުވެސް އަންނަނީ ގިނަ މަސައްކަތްތަކެއް ކުރަމުންނެވެ.
