ރައީސް ނަޝިދު ދެއްކި ވާހަކައަކަށް ޝިޔާމް އެއްބަސްވެއްޖެ!

އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވި ފަދައިން، އެމްޑީޕީގެ މި ވެރިކަމުގައި ދިވެހިރާއްޖެއަށް ވަރަށް ބޮޑެތި ބަދަލު އައިސްފައިވާކަމަށް ސަމާސާ ގޮތަކަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ.

އެމްޑީޕީގެ އަހަރީ ދުވަހުގެ މުނާސަބަތުގައި، ދިވެހިރާއްޖެ ބަދަލު ކުރި ޕާޓީއަކީ، އެމްޑީޕީކަމަށް ވިދާޅުވެ ރައީސް ނަޝިދު ކުރެއްވި ޓްވީޓަކަށް ރައްދު ދެއްވައި، ޝިޔާމް ވިދާޅުވީ، އެމްޑީޕީގެ އަހަރީ ކޭކު އިންނާނެ ގޮތް އެނާއަށް ސިފަ ކުރެވޭކަމަށެވެ. އަދި އަހަރީ ދުވަހުގައި އެމްޑީޕީގެ ރައީސް މުހައްމަދު ނަޝީދު ވިދާޅުވި ވާހަކަތަކާއި، އެނާ ދެބަސްނުވާކަމަށް ފާހަގަކުރައްވާ، ޝިޔާމް ވިދާޅުވީ، ވަރަށް ބޮޑެތި ބަދަލުތަކެއް ދިވެހިރާއްޖެއަށް އައިސްފައިވާކަމަށާއި، އެ ޕާޓީގެ އަހަރީ ދުވަހު ރައީސުލްޖުމުހޫރިއްޔާ އިބްރާހިމް މުހައްމަދު ސޯލިހު އިސްތިއުފާ ދެއްވުން މޮޅުއިތުރުކަމަށްވެސް ޝިޔާމް ވިދާޅުވެފައިވެއެވެ.

MDP ge aharee dhuvahuge cake innaane goiy eba sifa kurevey. Aharee dhuvahu MDP ge Raees @MohamedNasheed vidhaalhuva vahakafulhaa alhugandu dhebaheh nuvan.Varah bodethi badhaluthah mi verikamugai eba feney🤦🏻. MDP ge aharee dhuvahu @ibusolih isthiufa dhevvun molhu ithuru. pic.twitter.com/m0kukfZcHv

— Ahmed Shiyam (@Shiyamaldives) June 26, 2022

ރައީސް ނަޝީދު ފާހަގަކުރައްވާ ގޮތަށް ދިވެހިރާއްޖެއަށްވަނީ ބޮޑެތި ބަދަލުތަކެއް އައިސްފައިކަމަށް ޝިޔާމް ވިދާޅުވެފައިވާއިރު، ދިވެހި މުޖުތަމައުގެތެރޭގައި އިސްލާމް ދީނާއި ހިލާފުވާ ގިނަ އަމަލުތަކެއް ހިންގުންވަނީ އާންމުވެފައިއެވެ. އެގޮތުން އެމްޑީޕީގެ އިސް މެމްބަރުންތަކެއް ކަމަށް ތުހުމަތު ކުރެވޭ ފަރާތްތަކެއްގެ އެއްޖިންސުން ގުޅުން ހިންގާ ވީޑިއޯތަކަކާއި، ޖަމާއަތުގައި ގުޅުން ހިންގާ ފޯޓޯތަކެއްވެސް ވަނީ އާންމުވެފައިއެވެ. އަދި ކޮވިޑް19ގެ ބަލި މަޑުކަމުގެ ކުރިން ދިވެހި ރާއްޖޭގެ ދައުލަތުގެ އާމްދަނީ 4 ބިލިއަން ރުފިޔާކަމަށް ވީއިރު، ދިވެހި ރާއްޖޭގައި އިގްތިސޯދީ އަދި އިޖްތިމާއީ ހަމަޖުން އޮތްކަމަށް ފާހަގަކޮށްލެވެއެވެ. ނަމަވެސް ކޮވިޑަށްފަހު، ދައުލަތުގެ އާމްދަނީ 24 ބިލިއަން ރުފިޔާއަށް އަރައިފައިވާކަމަށް ރައީސް ނަޝީދު ފާހަގަކުރެއްވި އިރު، ތަކެތީގެ އަގުތައް މައްޗަށް ގޮސް، ދައުލަތުގެ ދަރަނިތައް އިންތިހާއަށް ބޮޑުވެ، އެ ދަރަނިތައް ނުދެއްކިދާނެކަމުގެ ބިރު ހީވެފައިވާކަމަށް ގިނަ ފަރާތްތަކުން ފާހަގަކުރެއެވެ.