ޅ ފެލިވަރުގެ ބިން ހިއްކުމާއި ބަނދަރު ތަރައްގީ ކުރުމުގެ މަޝްރޫއުގެ 51 އިންސައްތަ މަސައްކަތްތައް ނިންމާފައިވާކަމަށް އެމްޓީސީސީއިން ބުނެފިއެވެ.
އެމްޓީސީސީއިން ފެލިވަރުގައި ހިންގަމުންދާ މަޝްރޫޢުއަށް އަލިއަޅުވައި ބުނެފައިވާގޮތުން، މިހާރު އެ ރަށުގެ އެއްގަމު ތޮށީގެ ކޮންކްރީޓް މަސައްކަތްތައްވަނީ ނިމިފައެވެ. އަދި ރިވެޓުމެންޓު މަސައްކަތުގެ 93 އިންސައްތަ ނިންމާފައިވާކަމަށާއި، މަސައްކަތް ކުރާ ސަރަހައްދުގައި މިހާރު ކުރިއަށް ގެންދަނީ ޝީޓު ޕައިލް ކުރުމުގެ މަސައްކަތް ކަމަށެވެ.
އެމްޓީސީސީއިން ބުނެފައިވާގޮތުން، މި މަޝްރޫއުގެ ދަށުން 6 ހެކްޓަރުގެ ބިން ހިއްކުން، 229،663.36 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުން، 220 މީޓަރު ސަރަހައްދެއްގައި އެއްގަމު ތޮށިލުން، 148 މީޓަރު ސަހަރައްދެއްގައި ބޭރު ތޮށި ލާނެ އިރު، 270 މީޓަރު ސަރަހައްދެއްގައި ރިވެޓޫމެންޓު މަސައްކަތްތައްވެސް ކުރެވޭނެކަމަށެވެ.
އެމްޓީސީސީއިން ހިއްސާކޮށްފައިވާގޮތުން މި މަޝްރޫޢުއަށް ޖުމުލަ ގޮތެއްގައި 113.3 މިލިއަން ރުފިޔާ ހޭދަވާނެއެވެ.
