ރައީސް އިބްރާހިމް މުހައްމަދު ސާލިހު ޗާގޮސްގެ މައްސަލައިގައި މޮރިޝަސްއަށް ފޮނުއްވި ސިޓީކަމަށް ބުނެ ސޯޝަލްމީޑިއާގައި ލިޔެކިއުމެއް އާންމުވެއްޖެއެވެ.
ސަރުކާރުގެ އިސްވެރިންނާއި ތާއީދުކުރައްވާ މަަޖިލީސް މެމްބަރު ރައީސް ނަޝީދު ގެންގުޅުއްވާކަމަށް ތުހުމަތުކުރާ “ހަސަން ކުރުސީ” ޓްވިޓަރ އައިޑީއިންވަނީ ދާދި ފަހުން ރައީސް ސާލިހު މޮރިޝަސްއަށް ފޮނުއްވި ސިޓީކަމަށް ބުނެ ލިޔެކިއުމެއް އާންމުކޮށްފައެވެ.
ރައީސް ފޮނުއްވި ސިޓީ ކަމަށް ބުނެ ސާޝަލް މީޑިއާގައި ދައުރުވަމުންދާ ސިޓީގައި ބުނެފައި ވަނީ ދިވެހި ރައްޔިތުންނާއި ސަރުކާރުގެ ފަރާތުން އދގެ އާންމު މަޖިލީހުން ޗާގޮސްގެ މައްސަލައިގައި މޮރިޝަސްގެ ކޮޅަށް ނިންމާފައިވާ ނިންމުމަށް ތާއީދުކުރާކަމަށް ނިންމާފައިވާ ކަމަށެވެ. އަދި މޮރިޝަސްއިން އެ ގައުމުގެ މިނިވަންކަމާއި ސިޔާދަތު އަނބުރާ ހޯދުމަށްޓަކައި ކުރަމުންދާ މަސައްކަތްތަކަށް ހިތްވަރުދޭކަމަށާއި، ރާއްޖެ އެ ގައުމާއިއެކުގައި ވާކަމަށްވެސް ބުނެފައިވެއެވެ.
ސިޓީގައި ބުނެފައިވާގޮތުން ރާއްޖެއަކީ ސަރަހައްދީ ހަމަޖެހުމާއި މިނިވަންކަމުގެ މުހިންމުކަން ދަންނަ ގައުމެކެވެ. އެހެންކަމުން މޮރިޝަސްގެ ސަރަހައްދު ހޯދުމަށް ކުރާ މަސައްކަތްތައް ބަލައިގަންނަކަމަށާއި އެގޮތުން ޗާގޮސް އާކިޕެލެގޯގެ މައްޗަށް އެ ގައުމުގެ ހައްގު އޮތްކަމަށާއި އދގެ ނިންމުމަށް ތާއީދުކުރާކަމަށްވެސް ބުނެފައިވެއެވެ.
‼️ 🚨 Breaking News
Here’s the draft text of the letter President @ibusolih sent to the Prime Minister of Mauritius.
cc: @BondeM4 @waddey_ @Shiyamaldives @Adamshareefz @MohamedNasheed @Imthiyazfahmy @MDPSecretariat @ProgressPartyMV @MNP_Secretariat @PokmanMV @axanner @ShifxanAR… pic.twitter.com/s4lyUwz26B
— Hassan Kurusee (@HKurusee) April 24, 2023
މީގެ އިތުރުން ސިޓީގައި ވާގޮތުން ރާއްޖެއިންވަނީ އެ ގައުމުގެ އަސްކަރީ އަދި އާންމު އުޅަނދުތަކަށްވެސް ރައްކައުތެރިކަން ކަށަވަރުކޮށްދޭނެކަމަށް ބުނެފައެވެ. އަދި ކަނޑުމަތީ އިގްތިސާދުގެ މުހިންމުކަންވެސް ދަންނަކަމަށާއި އެހެންކަމުން ކުރީބައިގައި އެންމެހާ އުޅަނދުތަކަށްވެސް ދަތުރުކުރެވޭނެގޮތަށް “ޑިލްލޮމެޓިކް ނޯޓިސް” ދީފައިވާކަމަށްވެސް ފާހަގަކޮށްފައިވެއެވެ.
ރައީސް ސާލިހު ފޮނުއްވިކަމަށް ބުނާ މި ސިޓީގެ ތާރީހެއްގެ ގޮތުގައި ބަޔާންކޮށްފައިވަނީ 2022 ވަނަ އަހަރުގެ އޮގަސްޓު މަހުގެ 22 ވަނަ ދުވަހުގައެވެ. ސިޓީ ފޮނުއްވާފައިވަނީ މޮރިޝަސްގެ ބޮޑުވަޒީރު ޕްރަވިންދް ކުމާރު ޖަގުނާތަށެވެ.